السلام عليكم ورحمة الله وبركاته
وكل عام وأنتم بخير
أنا صار لي حادث أمس صباح الخميس
وقدر الله وما شاء فعل
والحمدلله على كل حال
عالعموم جاء المرور وسحب سيارتي للحجز
وصار الخطأ علي 100%
وتأميني ( التعاونية سند - العادية )
يعني لازم أصلح سيارتي على حسابي
المهم اللي صار بالسيارة ( كنت أتمنى إني أصورها بس هي في الحجز حاليا )
الصدمة من المقدمة يمين
يعني كل شيء في الزاوية راح فيها
يعني رفرف وصدام والمقص ( لأن السيارة نزلت من عند الكفر الأمامي يمين )
والكبوت واللي داخل الكبوت وصولا إلى ما قبل المكينة
يعني إن شاء الله المكينة ما صار فيها شيء
عالعموم بعد الحادث شغلت السيارة وحركتها من مكانها
كانت تمشي على خفيف + الحرارة كانت سليمة ( يعني إن شاء الله إن الراديتر سليم )
بس الراديتر متحرك من مكانه وتشغيل السيارة ما طولت وأنا مشغلها
يعني ما أدري ممكن يصير شيء إذا طولت السيارة مشغله ويمكن ترتفع حرارتها
طبعا الـ airbag ما طلع مع إن الصدمة قووووية مرة
والحمدلله على كل حال
الموتر أفالون 2010
السؤال / هل أصلحها في الوكالة ؟
سؤال 2 / كم تقدير تصليحها تقريبا مع شرح القطع المتواجدة يمين المقدمة وأسعارها ؟
سؤال 3 / كم ( تقريبا ) سعر شغل اليد ؟
سؤال 4 / كم تأخذ وقت في التصليح من دخولها للسمكرة وحتى خروجها ؟
سؤال 5 / متى إجازة العيد بالنسبة للوكالة ؟ متى يقفلون ومتى يرجعون للدوام بعد العيد ؟
سؤال 6 / هل ستعود بإذن الله كما كانت ؟ أم راح أتعب معها بعدين ؟
سؤال 7 / أتمنى نصائحكم بشكل عام عن هذا الحادث والتصليح ومكان التصليح والأسعار وغيرها من النصائح القيمة ..
تكفون أنتظر مساعدتكم وإستشارتكم
lshu]i ,a jkwp,kd tdi ? ,dk Hwgp sdhvjd