بسم الله الرحمان الرحيم

السلام عليكم ورحمة الله وبركاتة

مبروك ياشباب ....واخيراً تم فك حماية شاشة المكسيما موديل 2011 الفل بدون مشاكل

طبعن بالبداية اشكر الاخوان الي تساعدو معي بالطريقة لهم مني كل الاحترام والتقدير
بالمساهمه الطيبة ..لذلك حبيت بعد يوم طويل من البحث عن الطريقة الصحيحة
والمساعدة من الاخوان بالمنتدى الرائع
وبمساعدة ولد عمي الله يحفظة ماقصر ترجم لي تفاصيل ساعدتني كثير على اكتشاف الطريقة الصحيحة

طبعن هالموضوع بمافيه بمجهودي وشغلي شخصياً
اصريت اني اطرح الموضوع بنفس اليوم رغم الوقت متأخر لاكن غلاكم عندي
مايسمح لي اخر شي عنكم دقيقة

بسم الله ندخل بالموضوع

أول شي اوريكم النتيجة بالفيديو واسف التصوير ماهو واضح
ملاحظة : يحتوي على صوت موسيقي



ندخل بشرح عملية التسليك
ملاحظة : انا سويت هالشغل بسريع لتجربة يعني الي يفكر يسوي الطريقة
يحاول يرتب التسليك بضمير ..وانا راح اضيف صور بعد مايصير عندي وقت لترتيب المناسبة لتسليك والفيش الاضافي ..

أول ماتفك افريم الشاشة ..والتخشيبة الي تحتها تحاسب على هذا الفيش
تخليه ثابت مثل مافي الصورة ..عشان لاتركبة غلط ..عشان لاتركبة بكنترول التكيف
لان يركب بدون ماتحس فيه




بعدها تفك السيدي بأربع بلوط بالزواية وبصير عندك مثل هالصورة وتحاسب على
لسلك الي راح تفكها منه خصوصاً (( الواير الاصفر )) لان خفيف اي حركة ممكن يقطع




هدا مكان الفيش المطلوب والزبدة الي راح تشتغل عليه







صورة الفيش المطلوب دقق بألوان لسلاك عشان تعرف تميزة



صورة لنفس الفيش من الجهة الثانية مهم تحفظ شكلة



أول خطوة تسويها تقطع السلك البنفسجي بوخط ابيض ..هدا السلك هو الي يفصل
الشاشة اثناء السواقة ..ويشغل الملاحة ..يعني مهم تسوي له سويش مستغل
عشان لو حبيت تستخدم الملاحه تضغط على لسويش الي راح تسويه عشان ترجع الحماية مثل مكانت وتشتغل الملاحه بدون مشاكل ..الطريقة تقطعه من مكان مناسب بحيث تقدر توصل له وصلتين وصله من مكان ماهو جاي من الظفيرة ووصله مكان ماهو راكب بالفيش الابيض وتمد السلكين لمكان لسويش الي راح تركبه له عشان يرجع تسليكه الاصلي



لاحظ اناا شبكت له سلك ثنائي عشان يكون أسهل ومديته الى المكان الي راح اركب فيه لسويش ,,مثل مافي الصورة



وهادي العملية الثانية والاخيرة بالموضوع ويكمل شغلك
هدا السلك خاص (( لهند ابريك )) لو تلاحظ لو تفك الهند ابريك تفصل عندك الشاشة دايركت ...هدا هو السبب ..الي عليك تسويه انك تقطع السلك من مكان مناسب و وتسلك له سلك وتوصله الى البودي عشان تلغي حماية الهند بريك نهائي
هالعملية مافيها اي مشاكل كل شي طبيعي لاتخاف
ملاحظة : في عندك سلكين خضر واحد منقط بالابيض والثاني بالأحمر المطلوب
الأخضر الي مخطوط بالاحمر مثل الي بالصورة




طبعن تقطع الي جاي من جهة الظفيرة اتيبه وتخليه بحالة عليك الي راكب بالفيش الابيض تعمل له وصلة وتحطه بالبرقي مثل مافي الصورة







بعدها ياطول العمر والسلامة ترجع كل شي على مكان وتحاول تتيب لسلاك بضمير
وطبعن انصح انك تشتري لبلاستيك وصلات خاصة عشان يصير شغلك نظيف ومرتب



بعد تركيب الديكور



لاحظ السلك بعد تجهيزة بالمكان الناسب ..طبعن بكيفك تحطه وين ماتبي
المهم تحاول بقدر ماتستطيع ترتب شغلك وماتستعجل واناا ان شاء الله لو صار عندي وقت وقدرت ارتب الي سويته راح اضيف الصور لكم ان شاءالله



بكذا انتهى الموضوع وعليك بالعافية ومبروك عليك
ملاحظة : السيدي لفلاش ميمري الكام الخلفي المكيف وكل شي تم تشيكه
بأكمل وجه الحمدلله كل شي سليم و %100 الطريقة ناجحة مافيها اي مشاكل

بعد ماتخلص تذكر لسويش الي راح تسويه ضروري عشان تشتغل عندك الملاحة
طبعية يعني وانت فاصل السلك من لسويش راح تشتغل لكن بدون ماتتحرك على المسار ومجرد ماتضرب لسويش راح تشتغل طبيعية بدون مشاكل

بالاخير احب اشكر اخواني :

hasanallawati
قموز


واحب اهدي هدية بسيطة لكل الاعضاء

برنامج بسيط ومجاني لتحويل جميع الصيغ الفيديو والصوت
خصوصاً اكيذ بعض الاعضاء يحتاجون هالبرنامج عشان يشغلو مقاطعهم المفضلة
باشاشة المكس ولا غيرها
لذلك عملت شرح بسيط عن الصيغه الي تشتغل دايركت باليوسبي

شرح البرنامج بالصور










وهذا رابط البرنامج جاهز لتنزيل

http://format-factory.en.softonic.com/

عند الدخول اضغط فقط على فري دلود
وعليكم بالعافية واسمحو لي على لقصور اخواني اي استفسار انا حاظر

الموضوع الأصلي: شرح فك حماية شاشة الماكسيما 2011 بدون مشاكل شرح بالصور وعرض بالفيديو لضمان || الكاتب: نيسان 1 || المصدر: عرب موتورز

المصدر: عرب موتورز arabmotors موقع السيارات العربي الاول