السلام عليكم ورحمة الله
لاحظت كثير من الردود في القسم حول نظام التبديل (القير) وان السياره تطول لين تبدل او العكس واحب اوضح اجراء قد يجهله الكثير واتمنى يفيدكم
في البدايه احب اوضح انه الفئه السابعه فيه نظام يتعرف على اسلوب قيادتك ويبرمج نفسه تلقائي (الكلام هنا اذا كنت قد اشتريت السياره مستعمله فهنا يستوجب عليك عمل الاجراء)
لان قائد المركبه السابق ممكن اسلوب القياده عنده مختلف عن المالك الجديد فيستوجب عمل الاجراء التالي لاعاده ضبط القير من جديد فيتعرف على نمط قيادتك
1- ضع المفتاح في السلف.
2- اضغط زر البدء .. بدون الضغط على الفرامل وهنا ستضاء انوار الطبلون.
3- ادفع دواسة البنزين لاخر نقطه ممكنه واستمر لمدة 30 ثانيه دون رفع قدمك عن الدواسه
في الثانيه 20 ممكن تسمع صوت خفيف جداً من جهت الشاشه , هذا صوت اعادة الضبط
لكن لا تقلق اذا لم تسمع الصوت فقط ابقي قدمك على الدواسه لمدة 30 ثانيه
انتهى كذا اعدت ضبط القير قم بتشغيل السياره وتجربة القياده بالنسبه لي لاحظت تغير ملحوظ للأفضل والسياره صارت تريح القير اكثر (من اول تبقي النمره مردوده اطول)
ان شاء الله تفيدكم وعلموني بالنتائج
تحياتي
ig k/hl hgjf]dg ydv lvdp g]d;? hjfu hgjhgd (l,q,u dil;)