السلام عليكم
اخوكم ناوي على بانميرا
وابا استفسر عن الشباب الي استخدموا الموتر
شو عيوبه هل في مشاكل
سمعت انه يشرب آيل واااايد وها شي غريب
وابا اعرف شو الفرق بين البانميرا العادي والاس ؟
وشو رايكم بالهايبيرد هل ينفع ولا موب شي يقولون ملل بالقومه والسرعه
حاليا اسوق الكريرا اس 2010
والصراحه الموتر تووووب ولا اشتكيت منه باي شي مووول
التواير مغيرنها مره واحده خلال هالسنتين والسفايف نفس الشي مره وحده وبعد الي جدام بس
التشيكات الصراحه اشوفها معقوله كلها بين 1000-2000
مره وحده بس خذو 2500 غير جي ما شفت عالموتر اي مشكله بالمره
والموتر باقي عليه شوي وبيدق ال 70 الف من دون اي مشكله
الآيل نفس الشي ولا مره نقص عندي قبل ال 15 الف الا مره وحده
الحين الي مخليني متردد اغير للبانميرا اغلب الي اسالهم
الي يقولي تشرب آيل وااايد باقل من 4000 كيلو وهاي موب بالعنها انا
والي يقول لي السفايف ياكلها اكل باقل من 10000 كيلو بعد موب داشه راسي
والي يقول تنفض بعد فتره
وعلل وايد ماذكرها
الكريرا كارفنها كرف اليهد لاف فيها الدوله كلها ما تقول لا
وساعات اشخطها بوظبي للشارجه والعكس بنفس اليوم بدون ماوقف وبعد ما تقول لا
والسموحه وايد خربطت اشوفني
وما خاب من استشار
انا داش بخاطري الهايبيرد الصراحه بس ابا اشوف ردود المجربين
وسلامتكم
hsjtshv uk Porsche Panamera