[عاشق الجيب]

ما رئيكم دام فضلكم ؟

اخوانى الاعزاء

عندى موضوع مش عارف انا فيه صح ولا خطا
مشكله قد تكون تافهه للبعض وقد تمر على
البعض مرور الكرام وقد يتوقف البعض امامها

وعايز منكم الرد انا اتصرفت صح و لا خطا
و لماذا

للذى لا يعلم اعمل وسيط تأمين فى شركة مصر للتأمين و مجال عملنا يقتضى ان
اجرى عمليات تأمين على الاشخاص (تأمين حياه - جماعى ) و تأمين ممتلكات
(سيارات - سطو - حريق - طبى - هندسى 0000)
المهم من صميم عملى ان تكون لى دائره معارف كبيره و زمان اول ما اتعلمت التأمين
قال لى مديرى ربنا يديله طول العمر (بتاع التأمين لازم يكون شخصيه عامة)
و فعلا مع اتساع علاقاتى تعرفت على دكتور كبير حاولت ان اعمل له تأمين أشخاص و لكنه
لم يرحب بالفكره وقتها و استمرت العلاقة معه حتى يوم وجدته بيتصل بى و يطلب منى الحضور
له فى العياده و قد كان ووجدته انشىء مستشفى للاطفال حديثى الولاده و طلب منى ان اقوم
بالتأمين له عليها ضدد جميع الاخطار و بصراحة تجولت فى المستشفى المكونه من 4 طوابق
و بهرت بها و لما حسبت رسوم التأمين بانواعه على هذا الصرح وجد ان عمولتى فيها مبلغ كبير
فعلا ممكن يحقق لى ما ممكن احققه فى سنه او اثنين شغل و الحمد لله و فعلا بدأت فى الاجراءات
مع مختلف الادارات لدى فى الشركة لكى انهى المعاينات و الاصدار لانواع التأمين المطلوبه
و فجأه رن على تلفونى و قال لى هذا الطبيب حدث للسياره حادث بسيط فأخذت منه بيانات الحادث
و طلبت منه ان يترك السياره فى التوكيل ولا يحمل هم شىء و فعلا و بعلاقاتى اتصلت بالتوكيل
و الراجل راح وجد ان عندهم علم و فى انتظاره و كان مبسوط على الاخر و الحادث بتاعه كانت التلفيات فيه الاكصدام الامامى و الفانوس الامامى شمال والرفرف الشمال بس ودا الى هو قال لى علسه و الى أنا شوفته لما رحت التوكيل للسياره و اللى كتبته فى اخطار الحادث و كان الدكتور اتفق مع التوكيل ان يضعوا الفانوسين الخلفين فى المقايسه وفعلا كسروهم ووضعوهم فى المقايسه وكدا فيه ظلم للشركة
قلت للدكتور كده مش حينفع فلوح لى انه ممكن يتعامل مع وسيط أخر غيرى و يكمل معاه كل العمليات التأمينيه للمشستشفى
و قال لى هى الشركة فقيره و يا سيدى اعتبر انهم فعلا لنكسروا
مش ممكن بعد ما تخرج السياره من التوكيل ينكسروا ؟
مش حتصلحوهم؟
بصراحه
فكرت مع نفسى و قلت لما هو كده فى حاجة تافهه ذى دى امال حيعمل معايا ايه فى الملايين اللى
هو حيأمن عليها فى المستشفى من اجهزه و حضانات و 000 و0000
مش عارف اصريت على موقفى واخبرت المهندس اللى عاين و خرج الفانوسين من التعويض
وانا كمان خرجت من عمليه التأمين على المستشفى خالص
ممكن دى ماكانتش رزقى ؟ ممكن هو دا الصح ؟ اللى أنا عملته
يمكن دى مثاليه زايده خايبه؟
يمكن غباء منى ؟
انا حافظت على الشركة بس ممكن فى اى غلطة الشركة تقول لى بالسلامه؟
ما اعرفش بس أنا وجت نفسى بأعمل كده من غير ما اشور حد ودا نادرا ما بيحصل معايا
وانكرش انى ندمت بعدها و فعلا ممكن و السياره خارجة من التوكيل تتخبط و الشركة حتغيرهم
غصب عن الطخين
مش عارف انا صح ولا غلط؟
بس اكيد انا صح
وربنا هيعوض
بس ارجع و اقول اهى مجامله كانت حتكون فى محلها و مش حتكلف شىء بس كانت حتعزز موقفى و موقف شركتى امام العميل غى اخذ عمليه التامين على المستشفى
مارئيكم دام فضلكم؟

الموضوع الأصلي: ما رئيكم دام فضلكم ؟ || الكاتب: عاشق الجيب || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

lh vzd;l ]hl tqg;l ?