السلام عليكم ورحمة الله وبركاته
الحمد لله جت خفايف ولا نقدر نقول شي
قبل شوي وانا راجع للبيت الساعة 1 الليل, اخذت مديور في شارع الزبير بن العوام كان حد يعرفه اللي قدام الفوال
المهم وانا اديور كان فيه موتر مغطي علي وقدمت شوي عشان اشوف السياارت الجاية الا ويطلع لي راعي صني طاير وناصيني كان يمديني ادق ريوس بس توقعت الرجال يستهبل لأن كان يمديه يبعد..... ولعله يصدمني ويطلع *** ابو 17 سنة معه اخوياه :SnipeR (40): وطاحوا فيني انت غلطان ومدري ايش الله واكبر تراه راس ماله صني 2005 وقاعدين يصايحون عليها .. وانا موتري 2012 لا قلت شي كاتم القهر ومستلم للقدر
والمبزرة ماعندهم تأمين وانا عندي ضد الغير قلت اسوي فيهم خير ونكلم نجم يزبطهم
المهم جاء نجم وليته ماجاء.. حط الخطأ علي 100% :tinysmile_angry_t:
ولعلي صرت بلا حيلة لا تأمين وغلطان 100% وفوق كذا مسوي خير معطيهم تأميني يصلحون موترهم :SnipeR (83):
الزبدة الصدام راح فيها والحمد لله الشمعة مجرد تلميع وتزبط
وهذي الصور
انا خلاص قررت ارمي الكامري بالقراج من شريتها قبل شهر وجتني حكتين بالصدام الخلفي وشطب بالقزاز الأمامي من حصاة واليوم الطامة الكبرى ... حسبي الله على عين الحسود
وياليت اللي عنده خلفية عن سعر الصدام يعطيني خبر مع اني ما اعتقد انه موجود بالسوق
وبالنهاية الله يحمينا وياكم يارب
w,v rfujd fhg;hlvd 2012 ,r]v hggi lh ahx tug