السلام عليكم ورحمة الله وبركاته
وكل عام وانتم بألف خيير
الموضوع ومافييه
أن أخوكم إللي هو أنا معي كورولا 2011 طبعا قبلها كان معي لاندكروزر 2005
وتدرووون ويين المشكله . . ! ؟
المشكله البرمجه حقتي باقي ماقلبت
ومازالت مهيطت أهل الكروزرات براسي
يعني باقي شابكه معي غلط "أعامل الكورلا كانها كروزر"
الموهيم إني طبيت بالكورولا بطعس صغير وقدر الله وغرزت طبعا الكفرات إللي ورا باقي مانزلت من الشارع ومن قدام
مالمست الأرض ولله الحمد
واشوف ذآك الكروزر "بعد قلبي والله" جآي من آخر الشارع إلا وأطب بنص الشارع واشر له بجوالي
ويوقف ذآك الرجال الكفو "شايب الله يطول بعمره" ويضحك قال ذلحين أنت مغرز . . . ! ! !
قلت له تعرف الموتر جديد وخايف عليه قال معلييك ذلحين يطلع
فرحت أنا وقلت يعني بتسحبه / / قال لااا < < < قلت بيني وبين نفسي "يالييل أبو لمبه"
قلت طيب وش بتسوي ؟ قال بسيطه بس انتم اسمعو إللي اقول لكم, ,
ويركب الشايب الكوكو وويقووول يالله دفو الموتر من قدام ياشباب
وانط أنا عند وجهية الموتر وقلت والله ما أحد يدف < < يقولك خاااايف أحد يأثر على الكبوت وأو الصدام ههه
ولله الحمد طلعت بيسر وسهوله ماكنت اتوقعها :بس عشق ريوس وطلع: ههههههه
بس تعرفوون الخووووف لأن السيارة توها مامشت 1200 كيلو وخايف عليها
الأهم من ذا كله
بيما أن العيد جآي وموتري إللي يشوفه يحلف إن راعيه فاهم الكورولا غلط
مليان بطنه تراااب وطييين واللون قلب من أبيض إلا اسود "كربون من الفحم يوم نشوي"
ومن دآخل السيارة قالبها طعوووس والطبلون لا يخلو من حبيبات الرمل
السيارة مرررررررررررره مب نظيييفه
فأنا أبي تدلوني على مغسله شغلها اوووكيه أبهم ينظفون السيارة من وإلى
من الداخل ومن برا وأهم شي من داخل ماتبقى ولا حبه رمل
وابي المغسله بعد تلبس فرش الأرضيه بلاستيك
الزبده "أبي أطلق مغسله في الغسيل الداخلي والخارجي"
hgud] rvf ,;gJ(k) lkh gN.l djaowJ L pjn hg;,;, vyl lhrhsj lk hgwuhf lud