<div>من غير مقدمات بخش بالموضوع وعلى فكرة ماعندي شي مهم ابا اقوله بس اللي حاب يرد ويعطيني حلول الله يجزاه خير ,, بس ابا اتكلم من الضييييقة اللي جاتني من الماكس الله يكفينا شر الحسد ولا ماني عارف اش قاعد يحصل بالضبط
اول شي قبل العيد بيومين تقريبا رحت عند البنشر ابا اسوي اكس للكفرات بغير اماكنها يعني اللي قدام برجعها ورى وزي كدا , ولمن شاف الكفرات الاماميه قال ممسوحه مسح لازم تغيرها , قلت اوكي يمكن لاني ادعس في القومه واتمسحت فرجعتها ورى وقدمت اللي ورى خليتها قدام لفترة مؤقته وبغيرهم بعدين , واليوم اكتشفت انو الكفر الامامي اللي هوا نظيف طلع مشروخ شرخ كبير لازم يتغير ,, الى الحين مافي مشاكل كلو شي طبيعي ,, بس اللي محيرني في ثاني يوم العيد كنت ماشي ومافي سياره قدامي ولا شي ابدا ماا ادري الا صوت تتتتتتك في القزازه الاماميه وما اشوف الا شرخ كبير :oh: مدري كيف طلع لي ,, وبرضو قبل يومين لاحظت السياره تحذف يمين ووديتها الوكاله امس قالوا يمكن يطلع وزن اذرعه واحنا مانسويه روح شيك برا عند اي ورشه ولو قالوا ماتحتاج وزن تعال واحنا بنكشف عليها , قلت اوكي ورحت لميزان بيروت اللي في صناعية الشمال وشيك عليها وقال الماكس مافيها شي اسمو ميزان اذرعه قال عندك الكفرات مايله ولازم نسوي لها سحب مدري ايش اداني اسم غريب ويكلفني 800 ريال , ورجعت للوكاله قلت لهم مايحتاج لها وزن خدوا السياره وشيكوا عليها وشوفوا لها حل وادوني موعد على بكره يوم الثلاثاء وان شاء الله خيير ,,
واليوم الصبح كنت ابا ارفع القزازة الاماميه حق الراكب مو راضيه تطلع ؟؟؟ كل شويه تطلع وتعلق وانتظر شويتين وارفع وترتفع شويه وزي كدا ليين قفلتها بالكامل ؟؟ وبرضو قبل يومين شغلت السياره ومشيت واسمع صوت خششششش
09-05-2011, 07:30 AM
العرض العادي
