قبل شوي ضرب عليه الكفر وانا امشي 155كم والحمدلله على السلامة ..

قبل شوي ضرب عليه الكفر وانا امشي 155كم والحمدلله على السلامة ..

السلام عليكم ورحمة الله وبركاته

بقولكم الاحداث الي صارت معي الايوم والحمدلله اولآ وأخرآ

اليوم الساعة 11 تقريبآ كنت ماسك الدائري ومثبت على 155 كم



المهم وانا ماشي كنت رايح لعنيزة عن طريق الدائري الغربي الجنوبي

وكنت قارئ الورد ولله الحمد ومصلي مع الجماعه :)

وانا داخل جو مع الشيخ سعد الغامدي

صارت السيارة تجنح يسار ومو من العادة انا خابرها تجنح يمين

:confused: حطيت رجلي على الفرامل وهديت يمكن الى 135 كم




بووووووووووووووووووووووووووووووووو
طرطرطرطرطرطرطرطرطر :eek: :eek: :eek:


الحقيقه انا اول مره يضرب علي كفر المهم اني من الخرشه ضغطت الفرامل وانا امشي 120 اعتقد


والحمدلله ما اختل توازن السيارة خليتها لين هديت وصفطت على الجنب واشوف وش اشوف :(

لقيت الكفر منسلخ طرفه والحمدلله الجنط ماجاه شيء الكفر الامامي يسار

وانا الي مخوفني الستبنه ماشيكت عليها من 6 اشهر

والحمدلله ركبتها وكان فيه ضغط هواء يمكن 10 المهم اني امشيت 60 لين وصلت اقرب محطه بعد 30 كيلو

طبعآ بتقولون ليش 30 كيلو

لان اغلب بل كل المحطات الي مريت من عندهم نايمين :mad:

والحمدلله لقيت واحد مانام وعبيت الكفر عنده

بعد كلية الشريعه لاصرت متجه شمال

لكن شهادة حق تنقال في الكفر الميشلان

والله انه كبر بعيني وخصوصآ اني يمكن مشيت عليه كيلو بعد ماضرب ومع ذالك تحمل

والستبنه مشيت عليها 30 كيلو وهي مافيها هواء الى شيء بسيط والحمدلله

مايستفاد من هذا الكلام

لاتسرع فالموت اسرع ولاتدري نفسآ بأي ارض تموت
اقتباس:

والي يقول ان ضربت الكفر ماهي خطر اذا كان مسرع يشوف هذا المقطع ويركز على الكابرس

الله يرحمه ان كانه توفي والله يشفيه ويصبره ان كانه حي


انا ستر الله علي وهديت ورحمة منه ولا لو انا مااهديت السرعه كان الله اعلم ايش صار وخصوصا ان كان قداامي ووراي سيارات قريبه وانا كنت منعطف والحمدلله ماصار الى الخير

بالنسبة للستبنه شيك على الهواء فيها كل شهرين او اقل

وشيك على العدة كاملة

لان مااحد بيوقف لك ويساعدك الى ان يشاء الله

ولو يحصل تخلي قميص بالشنطة عشان مايصير ثوبك مثل ثوبي :)


وسلامتكم والله يبعد عننا وعنكم الشر ..

الموضوع الأصلي: قبل شوي ضرب عليه الكفر وانا امشي 155كم والحمدلله على السلامة .. || الكاتب: هوندا || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

rfg a,d qvf ugdi hg;tv ,hkh hlad 155;l ,hgpl]ggi ugn hgsghlm >>