مساعده بخصوص محل اوتو فل

مساعده بخصوص محل اوتو فل

السلام عليكم ورحمة الله وبركاتة ..
كيف حالكم اخواني عساكم بالف خير ..

اعتذر عن عدم الدخول في الفتره الماضيه بسبب عدم توفر جهاز ..
وانت هنا حبيت اسمع بعض الخبرات بخصوص هالموضوع ..

اخواني قدر الله وصار لي حادثين في اسبوع واحد الاول بالرفرف والثاني في الباب ..
وبعد السوال عن تغيير الرفرف او السمكره اتضح ان السمكره افضل من التغيير لان هناك بعض الاماكن راح يعرف المشتري ان كان الرفرف مغير ام لا ..

وايضا بعد البحث بين الورش للتصليح ، وجد ان يعرف التصليح يبدا من 950 ربال (محل اوتو فل سمكره رفرف مع تلميع خارجيه وداخليه لان حادث الباب اغلبه حكوك مع وجود ضربات خفيفه ونسبة ازالة الحكوك 75 بالميه) وينتهي عند 3500 ريال (سمكره رفرف عند الجبر) ومن بين المحلات البراهيم والشامي ..

للمعلوميه اوتو فل والوكاله فقط راح يسمكرون الرفرف بدون الباب اما باقي الورش مع سمكره الباب ..
وانا احترت بصراحه بين اوتوفل وبين الشامي ، فرق السعر بينهم كبير لان الشامي راح يصلح ب 2000 ريال فقط ، ولكن هذا الشي ما فرق معاي ..

لكن الي فرق معاي ان اوتوفل لو بدخل السياره راح يرجعها وكاله (باستثنا الضربات الخفيفة الموجوده بالباب) والمشكله هنا تمكن بالمجازفه لان راح بكون اول تعامل بيني وبينهم في السمكره والصبغ (ركبت عازل عندهم والشغل ميه الميه ولكن السمكره والصبغ راح يفرق) ، اما الشامي معروف بصيته وبشغله النظيف ، ولكن ايضا تعتبر مجازفه بالنسبه لي لأنه راح يكون اول تعامل بيني وبينهم عموما ..

فانا جيت هنا وفتحت الموضوع مع ان ما بودي افتح هالموضوع ولكني احترت بشكل كبير ..
وباذن الله ردودكم راح توجهني لواحد من الطريقين اما الشامي او اوتوفل ..

معلومات عامه :-
1- سعر الرفرف وكاله 1000 ريال بعد الخصم 1170 ريال قبل الخصم ..
2- الرفرف مفصول عن الجسر ويحتاج الي تلحيم مع الجسر ..
3- ممكن البعض يستغرب ان المفروض احط البراهيم بدل من اوتوفل ، السبب ان البراهيم راح تتاخر السياره عندهم بحدود اسبوعين او اكثر اما باقي الورش ست ايام بالكثير ..
4- موضوعي يخص ورش الاحساء ، يعني لحد يجيب طاري اي ورشه خارج الاحساء ..
5- عذرا علي بعض الكلمات الناقصه لأني اكتب لكم عن طريق I-pad ولا يوجد في التعريب اي نوع من انواع الهمزه ..

السوال الي يدور في بالي ، هل تعاملت مع اوتوفل من قبل في السمكره والصبغ ؟ هل في اختلاف ؟ اذكر تجربتك ..
( اصلح مدرس عربي ولا وش رايكم خخخخخ )

اعذروني علي الاطاله ، واعذروني علي الغياب المستمر *

الموضوع الأصلي: مساعده بخصوص محل اوتو فل || الكاتب: نيسان 1 || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

lshu]i fow,w lpg h,j, tg