مشكلة السلف والمساعدات ؟؟؟

مشكلة السلف والمساعدات ؟؟؟

السلام عليكم ....

صارت عندي عدة مشاكل في سيارتي بسيطة ولله الحمد وحبيت انقل لكم اللي حصل

لعل الإخوة يستفيدون ...


السلف :

بدأ السلف قبل 3 شهور بالتفويت ماتشتغل السيارة على طول ومرات

تشتغل على طول ,, المهم قيمة السلف للفورتشنر 2008 ستة سلندر

في الوكالة حوالي 1250 ريال ... طلبته طلبيه ولكن احد الشباب قال لي

لاتغيره اشتر ( الترس ) فقط وغيره وسعره مايتجاوز 150 -130 ريال

دورت على الترس مالقيت لكن الكهربائي قال لي ننظف السلف ونشوف

لأن السلف كان فيه رمل كثيييييير ,,, بالطبع هذا بسبب التسييف ..

المهم نظف السلف وضبط ممتاز حوالي شهر ورجعت المشلكة ..

رحت وشريت ترس السلف وركبته امس ولما فكيت السلف وجدت

الرمل كثير جدا,,, وسأجرب الفترة الجاية ونشوف هل يتأثر السلف

بالرمل (( التسيييف خصوصا )) وأرد لكم ..

المساعدات :

المساعدات الامامية كل الاثنين تعطلن وانفقعن ،، قيمة الواحد للفورتشنر
2008 ستة سلندر الوكالة : 500 وبعد الخصم 450.
النهدي والفريدي ارخص ب : 20 ريال ..

مريت الفريدي وشريت اثنين مساعدات أمام ,, ركبتهن .. لكن بعد عشر
دقايق
سمعت صوت بالمساعد الامامي يسار مثل صوت احتكاك حديد بحديد

رجعت له وقلت افحص الوضع قال تمام .. وكان فيه زيت كثير على المساعد

لأن جلبة العكس انقطعت وهربت زيت وغيرتها ..

المهم يومين والزيت ماراح وتأكدت انه من المساعد ....

نسيت الموضوع وبعد شهر مريت وتأكدت ان المساعد فعلا عطلان مره ثاينة ؟؟

رجعت للفريدي وقال المفروض انك ترجع مرة ثانية على طول ماهو تأخر ...

والآن ماندري هل هو خلل في المساعد أم من التركيب ..


تعوضت الله ورحت شريت مساعد مرة ثانية ب 450 من محلات الزقدي بحائل

اصلي وركبته قبل يومين والامور ماشية تمام ولهذا انصح الاخوة بالتالي :

1- في حالة عطل السلف تأكد من تنظيفه وجرب اذا كنت راعي نفود .
2- تأكد في حالة تركيب المساعد بأن العامل ماهر لايخربه عليك .

حبيت افيدكم وإلى اللقاء ..

محبكم

الموضوع الأصلي: مشكلة السلف والمساعدات ؟؟؟ || الكاتب: تويـوتا || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

la;gm hgsgt ,hglshu]hj ???