معلومه نصائح لملاك ال fj

معلومه نصائح لملاك ال fj

السلام عليكم ورحمة الله وبركاته

اخوني الغالين

عندي موضوع مهم لكل واحد يحب البر ويبي يطلع للبر سواء هو واهله ولا هو واصحابه ولا لوحده طبعا الموضوع هذا راح يستفيد منه الكل

بسم الله نبدا


اساسيات الي لازم تكون معك في الاف جي او اي سياره دفع رباعي

1- ماطور هو وافضلهم من واقع تجربه ابو جمل وكيله الشراع الي في الغرابي وله صيانه

2-ساعة هوا اصليه

3- بلف هوا لتنسيم وابر هو ا

4- رقع تيبيلس تاخذها من السنيدي هي وقشها كامل

5- واير سحب

6-شنطة عزبه صغيره حقة شاهي وقهوه

7- عند كل طلعه لازم تاخذ ماء للشرب معك يعني جركل ابو 5 ريال اقل شي حتى لو انك طالع ومعك كم سياره خل في سيارتك جركل مويه


اول شي تتخذه عند نزولك للبر

1- تفصل التركشن

2- تشغل الدبل

3- تفصل الاير باكات بلزر الي يسار الدركسون

هذي البدايه تنزل من الخط كم متر وتوقف وتخذ العيار والبلف حق التنسيم وتعرف وش في راسك هل انت ناوي تطعس صح ولا ناوي تتمشي بس في البر

اذا ناوي تتمشي في البر ولا طالع انت والشباب للتفرجه في تطعيس نزل هو موترك خله من 18 الى 15

واذا والله في راسك حرش وناوي تفلم في الطعوس طبعا بدون تنطيل حط هوا موترك من 12 الى 10 ونتبه تنطل خل تطعيسك سيده يعني ركز

نجي الحين كيف طريقة التطعيس

اول شي تنسى شي اسمه D في البر لنه يظر القير نزل القير على حسب طلب الموتر يعني الارض مستويه خله ب3 وتمش على راحتك واذا طلب الموتر 4 حطه ب4

ثاني شي وهذا من عدت ملاحظات على الاخوان في البر

الحين نقول الطعس قدامك ناوي تطعس يعني تبي تطلع تقرب عن الطعس حوالي 40 متر توقف تنزل القير الى L همن تدوس بدبل خفيف اهم شي يقطع الموتر عند طرف الطعس مباشره او عند طلوعه اول الطعس كذا موترك يكون شاد حيله وخله بL لين راس الطعس ولما تنزل خله ب3 يعني كل مابغية تطعس نزل القير على L طبعا هذا من واقع تجربه ومن واقع خبره واستشاره فني قيور قالي نفس الي كتبته لكم وهذا بأذن الله يحافض على اقير

لو قلنا انك بتخليه على D راح يشد شوي همن يريح وهو طالع وبعدها يرجع نمره وهذا متعب للقير لابعد حدود ويضره

بلنسبه للموضوع الثالث

لما تشوف الموتر بيغرز ونت طالع الطعس لاتحاول تنزله وهو منهار عزمه يعني حاول انك تلف الدركسون والار بي ام اقل شي على 4500 دوره او خله ينشب الموتر سيده ونزله للخلف بلريوس

طبعا اذا الموتر غرز في راس الطعس اول شي تحط القير بوضعية الN ونت رجلك على الفرامل وتشغل الدبل الثقيل وترجع بركاده ليش قلت الثقيل لنه يساعد في توازن الموتر اكثر سواء في النزول بلريوس ولا بلامام

الموضوع المهم انتبه ونت تطعس يعني تلفة ناظر فيه احد جاي مقلع يبي يطلع ولا فيه دباب في الطعس يطعس ومانتبه لك

وبعدين اذا انت تطعس اطلع 3 او 4 طلعات وهمن وقف ريح موترك لمدت 10 دقايق عشان يبرد القير ولاتطفيه خله شغال حتى يبرد وتشوف الحراره نزلت

والموضوع الاخر السحب

عند سحبك لسياره لاتسحب الا من الوجه يعني بلريوس وطبعا بلدبل الثقيل عشان مايتحمل القير على الكلتشات

موضوع اخر لما يتعلق موترك في البر وش تسوي

اول شي تتاكد تنسيم الكفرات سليم يعني بتسحب خل هواك من 12 الى 10 واسحب الموتر من جهة ميوله عشان يجي معك .

ثاني موضوع لما تتعلق
اول شي تنزل تشوف وين الموتر متعلق على اي درجة ميول اذا موترك فيه دفلوك وا ترك شغل واحد منهم اذا مانفع شغل الثاني وميل الموتر على الميول الي مايل له وزن الموتر واذا مافيه موترك لا اي ترك ولا دفلوك نفس الشي شف الميول الى اي اتجاه وميل موترك يمه واحفر عن الكفر الي نازل في التراب في وجه العدو بتجاه النزول

طبعا الكلام هذا عن الموتر الي متعلق في ميول

اما اذا متعلق على عقم او راس هيال هذا مالك الا انك تحفر عن بطن الموتر او الاكيد تدور واحد يسحبك


و بلتوفيق للجميع والموضوع هذا مانزلته الا من تجارب

واعرف ان اكثر الشباب عندهم خبره ولا كن فيه شباب تجهلهم بعض الاشياء

وبلتوفيق للجميع

اخوكم ابو عبدالرحمن :SnipeR (33):

بنتظار ردودكم

الموضوع الأصلي: معلومه نصائح لملاك ال fj || الكاتب: تويـوتا || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

lug,li kwhzp glgh; hg fj