يا لهوي............ هي شركة الامل حتعمل عربية ال byd..........ابشروا وزقططوا

يا لهوي............ هي شركة الامل حتعمل عربية ال byd..........ابشروا وزقططوا

رسالة شخص

يا لهوي اللي حتعمل العربية هي شركة الامل (بتاعة لادا) ؟؟؟؟؟؟؟؟؟؟؟؟؟؟؟؟؟

طب خدوا عندكوا الحكاية دي

من شهرين كنا بندور على عربية تستحمل مشوار المزرعة في طريق الاسماعيلية عشان بندخل نمشي في الرمل حوالي 2 كيلو

رحنا شركة الامل, جبت عنوانهم من على النت عشان تليفونهم مش بيرد

رحنا يوم السبت الشوارع كلها كانت فاضية
لقينا شركة الامل, ادامها كذا مكان فاضي هو اللي في الشارع
غرضنا اننا نسال على النيفا الجديدة على ادنا لان اقل عربية 4*4 حتبقى التيجو ب 80 الف ولسه جديدة

المهم لقيت واحد خارج من الشركة بيزعق وهو اللي بيغسل العربيات بيقول : شيل العربية دي من هنا

بقوله يابني احنا داخلين عندكو عشان نشتري عربية
دانا لو بشتري كيس لب من مقلة حيخليني اركن ادامه
المهم ان الشارع مفيهوش عربيات ماشية وكلها راكنه وبعدين دول 10 دقايق وانا عندك لو جت حاجه ححركهالك بسرعة

انا تخيلت ان خلاص حيتأسف
لقيته بيقول مينفعش لدرجة ان الحاج اتنرفز وقاله العربية مش حنحركها هات لنا حد من المبيعات

تخيلنا لما ندخل ان بتاع المبيعات حيقول لنا اتفضلوا معلش مثلا هو مش بيفهم ولا بيعرف يقرا ولا يكتب

لقينا واحد راجل محترم بيقول انا العقيد كذا (مش فاكر اسمه) بس بصراحة كان محترم جدا وسلمت عليه عرفته بنفسي دكتور احمد, الحاج, الحاجه, اخويا

دخلنا نلاقي واحد خارج من جوا انا اللواء كذا فين الناس اللي مش عايزه تحرك العربية؟؟؟؟

قلت له انا اللي مش عايز احركها, وبهزر اصلا ادام الشركة حته فاضية تشيل 3 عربيات واحنا حنتفرج عشان نشتري عربية

لدرجة اني بهزر بقوله هو انتوا ناويين تغدونا عندكو فحنتأخر مثلا

لقيته قلب وشه وعمل حساب للعقيد اللي واقف معانا
وضحكنا واهلا وسهلا والموضوع خلص اني قلت لأخويا معلش روح حرك العربية وديها اي حته

المكتب بتاع العقيد ادامه كرسيين فمفيش مكان ليا او لأخويا
بسحب كرسي من ادام مكتب ثاني فاضي ومفيش حد قاعد عليه

لقيت اللواء ده خارج بيقول الكرسي ده بتاع المكتب ده مينفعش تاخد الكرسي للمكتب الثاني

هوا انا حخرج بيه بره ولا حبيع الكرسي ؟؟؟

المهم العقيد اتصرف وجاب لي كرسي ثاني

عندك يا فندم النيفا

قال عندي بس وطى صوته وقال بس نصيحة اتحاسب عليها يوم القيامة بلاش عشان كذا نيفا رجعت عيوب تصنيع

طيب ايه الحل
قال خدوا اللادا
طيب ممكن ناخد اللادا الانجيكشن الروسي

وطى صوته ثاني وقال لنا نصيحة خدوا اللادا المصري عشان الانجكشن في اللادا وحش وبيبوظ بسرعة !!!!!!!!!!!!!!

عربية بقالها 500 سنه مش عارفين يعملوا فيها انجكشين

خرجنا من عنده واحنا مذهولين وعلى اتفاق اننا نرجع ثاني

واحنا خارجين الناس اللي بتغسل العربية بتزغر لنا عشان احنا اللي عافرنا معاهم في الاول
رغم اننا معملناش اي حاجه

العقيد بيقول لنا معلهش اصل الشركة اللي ماسكها كام واحد بيسترزقوا دلوقتي من التاكسيات فتعاملهم معاهم بيبقى كده

يعني بتاع التاكسي ده حيوان ؟؟؟ عشان قرر يشتري عربية من عندهم ؟؟؟

واحنا ماشيين بقول لابويا تعرف انا مش حشتري العربية دي ليه بغض النظر عن الكلام ده كله ؟؟؟؟؟
لان الكلام ده حصل معانا في المبيعات ! امال الصيانة عامله ازاي
حروح بقى الاقيهم ماسكين عصيان لينا مثلا على اساس اننا واقفين مع بتوع التاكسي


وبعدين تيجي تقولوا ان شركة الامل حتعمل عربية byd

سلم لي على المترو

الموضوع الأصلي: يا لهوي............ هي شركة الامل حتعمل عربية ال byd..........ابشروا وزقططوا || الكاتب: لذيذ ورايق || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

dh gi,d>>>>>>>>>>>> id av;m hghlg pjulg uvfdm hg byd>>>>>>>>>>hfav,h ,.r'',h

موضوع في قمة الخيااال

طرحت فابدعت

دمت ودام عطائك

كل الشكر والامتنان على روعهـ بوحـكـ ..

وروعهـ مانــثرت .. وجماليهـ طرحكـ ..

دائما متميز في الانتقاء

موضوع في قمة الروعه

لطالما كانت مواضيعك متميزة

لا عدمنا التميز و روعة الاختيار

دمت لنا ودام تالقك الدائم

موضوع في قمة الروعه

لطالما كانت مواضيعك متميزة

لا عدمنا التميز و روعة الاختيار

دمت لنا ودام تالقك الدائم

يعطيك الف الف عافيه

موضوع رااائع

وجهود أروع

ننتظر مزيدكم

بشوووق