صيانة ال 5000 فى منصور التجمع الخامس

صيانة ال 5000 فى منصور التجمع الخامس

النهاردة رحت عملت صيانة ال 5000 كم فى منصور التجمع الخامس و التفاصيل فى النقاط التالية:

- حجزت بالتليفون من 3 ايام و اخدت ميعاد الساعة 10:45
- اتلخبطت و رحت الساعة 09:45 بس الناس كانوا فى منتهى الزوق و العربية دخلت بعد حوالى ربع ساعة بس.
- مدير المركز م/ محمود حنفى استلم منى العربية و سألنى عن ملاحظاتى و مكنش عندى غير ملحوظة عن صوت تكتكة بتيجى من تحت العربية بعد لما اعمل مشوار و ابطل الموتور.
- سألنى هستخدم زيت 5000 ولا 10000، اخترت ال 10000، هما بيستخدموا زيوت شل.
- بعد كشف قرروا تغيير الجهاز بتاع بخار البنزين اللى ناحية العجلة الخلفية يمين علشان صوت التكتكة منها.
- غيروا الزيت و الفلتر و نضفوا فلتر الهواء و البنزين و كشفوا على كل اجزاء العربية و نضفوا التيل و الطنابير بالهوا.
- الصيانة مجانا، دفعت 268 زيت و فلتر.
- الصيانة اخدت ساعة.
- المعاملة هناك محترمة جدا و شغلهم نضيف.
- احسن حاجة عجبتنى انى كنت جنب العربية، و مسموح تقف على ايد الفنيين و قالولى خليك على راحتك فى اى سؤال او ملحوظة و هما شغالين بقوا يقولولى على تفاصيل اللى بيعملوه و الاحسن ايه للعربية و انا كالعادة عشت فى دور اللى مش فاهم حاجة علشان اشوف هيقولوا ايه، بس كلامهم طلع موضوعى و مفيش فتى.
- المركز فى بنزينة شل فى شارع ال 90 بالتجمع الخامس و فى البنزينة فى مكدونالدز و سيلنترو غير الماركت بتاع البنزينة، يعنى الواحد هيلاقى اى حاجة ممكن يحتاجها.

الموضوع الأصلي: صيانة ال 5000 فى منصور التجمع الخامس || الكاتب: لذيذ ورايق || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

wdhkm hg 5000 tn lkw,v hgj[lu hgohls

ماسالتهومش ليه على عيب البطاريه القاتل ال 55 امبير اللى المفروض كانت تكون اقوى من كده ولاحظ بالليل نور التابلوه بيضعف وانت بتدوس على الفرامل والنور الامامى كمان انا وكتير زيى من اصحاب الاوبترا واخدين بالنا من المشكله دى وفى التوكيل بيقولوا طالما العربيه بتدور من غير تاخير ومش بتقطع فى الدواره يبقا خلاص لا طبعا لان كام كهربائى قال البطاريه ضعيفه ومش المفروض انها تكون للعربيه دى يعنى الافيو كانت 1500 سى سى وكانت نفس البطاريه ودى 1600 وكمان كماليات كهربا زياده وهى هى البطاريه وشكرا واسف على ازعاجى ليك