اليوم جاي أقول لكم قصتي العجيبه مع الماكسيما حقتي >> بشويش لاتتحمس :oh:
اشتريت سياره ماكسيما قبل مالايقل عن اسبوعين موديلها 2010 وماشيه 25000 كلم وآخر فحص لها 20,000 كلم، ووضعها سليم وعلى فحص قبل الشراء ومن هالكلام إلين ماصار اللي صار اليوم وشسمه..
اليوم الظهر رحت الصيانه تبع الحمراني عشان ودي اسوي برمجه حق لمبة التواير بعد ماشحنتهم نيتروجين بدل الهوا العادي، وفي نفس الوقت حبيت اني اشيك على السياره وكذا.. اتفقت مع الفني للشركه وكانت اخلاقه جدا ً عاليه ومتعاون -الله يوفقه- انه يجرب السياره وانا معه عشان يشوف التوازن حقها والبريكات والزحف كله حق الصيانه.. انصدمت يوم انه سألني: أنت مسوي حادث جامد بالسياره؟؟!!؟!
مر وجهي بالمراحل التاليه :
:doubt:
:ah:
:choler:
المهم بعد ماانصدمت وخلصت، رجعنا وشيك على السياره، وفيها المشاكل التاليه:
* الاكياس الهوائيه مفقعه كلها.
* حزام الامان مايمسك اذا جاه بريك قوي.
* فتح لي الشنطه ورفع الاغراض ورفع الغطا والفرش ووراني العجينه والتلحيم والاشياء هذي.
* العكوس فيها زحفه خفيفه يعني مو راكبه محلها صح من قدام.
بالعربي السياره صاير لها حادث من راعيها القديم من قدام وورى، وقال لي الفني للصيانه ان السياره خطره وماينفع تمشي فيها بسرعات عاليه. المهم ان ضاق صدري وحسيت ان الدنيا تحوس في خشتي، ومن ثم حمدت الله سبحانه وقلت حقي باخذه إذا كان مكتوب لي على خير.. وواضح انه مضبط السياره صح عشان مايبين فيها شي ومسمكرها بس فيه عيوب خطره، وماقال لي راعي المعرض عن المشاكل وحلف وكل شي، وأنا اطئن قلبي لها وشريتها..
كلمت راعي المعرض عشان ارجع السياره، قال لي مالي شغل والسياره ماترجع.. طلبت منه رقم راعي السياره عشان اتفاهم معه بس جواله مقفل له فتره ومايرد وكذا..
وش تنصحوني فيه ياشباب؟ أبيع السياره؟ أو أصلحها، وربي مايسوى اصلحها، بتكلفني مالايقل عن 30،000 ريال سعودي..
04-28-2011, 02:54 AM
المواضيع المتشابهه
العرض المتطور
