مشكلتي التي ادخلت بها تويوتا العربية

مشكلتي التي ادخلت بها تويوتا العربية

الســـــــلام عليكم ..
اخواني ، جميع الاعضاء و الزوائر

مشكلة حدثت لي مع شركة عبداللطيف جميل < وصدقوني مشكلة كبيره
والسبب جدا تافه لكن الشركة هما الي اعطوهـ حجم اكثر من اللوزوم
ودخلت منتدى تويوتا العربية كـ وسيلة للأقناع والتأكيد من صحة كلامي

نقول بسم الله الرحمن الرحيم
اول حاجه انا رجعت من القصيم
وانا الآن متواجد في الغربيه ( مكة + جدة )
سيارتي الحمد لله كملت الـ 10 الآف
وحبيت اروح اسوي صيانه لـهآ
ورحت الشركة الي في مكة المكرمة فرع العمرة
يوم الاثنين الساعه 8 صباحا
....
واتفضلو تفاصيل الي حصل
اتقابلت مع احد الموظفين ( اتستقبال الصيانه ) مصري الجنسية
وكنت اتكلم معاهـ على بعض المشاكل الي ابغآه يعدلها
صوت في ديكور الستارة الخلفية + صوت في باب السائق
وفي واحد معانا هنا نزل موضوع عن الباب وكيف فكو وكيف ثبت القطعه عشان ما تطلع الصوت

المهم ...
اقلو في صوت في الباب قالي مستحيل هذا الكلام
اقلو سيارتي وانا عارفها
قالي هذا الكلام الي تقولو طفل ما يصدقو
قلتلو في منتدانا تايوتا العربية - في شخص وضح هذي المشكله
وهذي مشكله منتشره بين السيارات
ومن هنا بدأ الكلام
قال تايوتا العربية قال هذا المنتدى فاشل وكل الكلام الي يحصل فيه من اعضاء كلام غير صحيح
قلتلو حبيبي كل الاعضاء معاهم كوامري ؟ وكل واحد يقول ايش مشكلتو
...
حبيت انهي الموضوع واقوم
ومشيت قال تعال العصر خد سيارتك وراح نسويلك الستاره والباب
ولا تصدق تايوتا العربية
سكت ورجعت العصر
رحت استلم سيارتي
اخذ مني 320 بدون تغير زيت وسيفون
اعطاني ورقت الخروج

وشفت الشخص الي اشتغل على سيارتي
سألتو ايش سويت فيها
صيانه 10 الآف من دون زيت
طيب سويت الستاره ؟ قالي لأ محد قالي
طيب سويت صوت الباب ؟ قالي لأ محد قالي


وتصدقو حتى رموت السيارة حقتي ما سار يشتغل بعد ما دخلتها مدري ايش سوو فيها
...

المهم ...


ع المدير على طوووول

السلام عليكم كذا كذا موضوعي < وانا صوتي الين الشارع واصل
،،،
قالي دقيقه اجيب اوراقك
ويقلي هذي ورقه انو تم تغير كل شي ( الستاره صوت الباب ) وانت يقلي موقع عليها موافقه
اطالع في الورقه قلتلو يا حبيبي هذا مو توقيعي واتصل ع الموظف وجا قلو هذا توقيع مين
&lt***** وبدأ يلف الهرج
ويقول انو هوا يقول الشباب في منتدى تايوتا العربيه يطلعو مشاكل للسياره وهوا جا على هذا الاساس والسياره مافيها مشكله
،،
المدير طلع واحد معايا
وجرب السياره ورجع قالو المشاكل موجوده وحقيقيه واني صادق



...
والمدير يقلي ايش منتدى تايوتا العربيه
قلتلو المنتدى الرسمي لشركة تايوتا
قالي انا ما اعرف انو عبداللطيف عندو منتدى

قلتلو احنا ( ملاك الكامري ) اخترنا هذا المنتدى منتدى رسمي


والمدير اعتذر بشده على الي سار
وكان انسان جدا محترم
وقال راح اغيرلك كل حاجه



وقال انو راح يتابع جميع المواضيع حقتنا ويشوفها بـ استمرار


وموضوعي هذا لـ كل الشباب المتواجدين
ولمدير فرع الصيانه بشركة عبداللطيف جميل بـمكه ، العمرة

اخوكم معتز ::

الموضوع الأصلي: مشكلتي التي ادخلت بها تويوتا العربية || الكاتب: تويـوتا || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

la;gjd hgjd h]ogj fih j,d,jh hguvfdm