معلومات مفيدة لمرتادي النفود العنيدة

معلومات مفيدة لمرتادي النفود العنيدة

هذي بعض نصائح ومعلومات تجارب وعصارة من سبقنا في هذا المجال..
العصيب وهذه المغامرة الممتعة الممزوجة ببعض المخاطر ولتجنبها علينا الإنصات و الاستماع لمن خاض وترعرع في رحاب الرمال الذهبية النقية .. لا أطيل عليكم أحبتي .. هذه الاسطر قد سطرها مداد القلم ورسمتها خلية الكيبورد لتقدمها لمن اراد التمتع بأوقات جميلة بعيدة عن المنغصات و الغشامات ..المتكرره



((بعض الناس على الفطنه يعرفون للنفود
وبعض الناس مع استمرار التطعيس .. يتعلمون
يعني عند بعضهم إذا صار يمشي في النفود وشاف طلعة .. اذا رقاها وطاح عزم الموتر .. يلف يمين أو يسار
وهذا أكبر غلط خاصة لو صار موترك ما فيه دبل .. يتعلق على طول والله يعينك على تطليعته
ثاني شي
اذا جاك واحد يمشي وتفاجأ ان قدامه منحدر .. يضرب فرامل من الخوف ويوقف < إلى الآن الأمور سليمه
بعدين يمشي ويدوس بنزين لأنه يحس الموتر يبي يغرز وهو في دحديره .. وشلون يغرز يا غبي ؟
في الحالة هذي لازم يضرب فرامل على خفيف ويرفع رجله عن البنزين
أول شي عشان ما تضرب وجهية الموتر في الأرض بعد نهاية المنحدر
ثاني شي مع ضغطات الفرامل يكون في اتزان في كل ضغطه للموتر بحث لو لفيت بالدركسون يمين او يسار .. ما يكون في اختلال في وزنية الموتر واحتمال ينقلب لو بعد ازدياد السرعة في المنحدر
لا تدوس بنزين إلا اذا كنت في حالة وحده وهي
ان يكون المنحدر بعده طلعه ثانيه .. عشان ما يغرز موترك في جفره محاطه بالنفود من 4 جهات وكلهم طلعات يصعب على موتر أخذ العزم فيها بعد ما تطلع من التغريزه
وهذي تصير لبعض الناس يموتون في النفود بسببها اذا تعمق في التطعيس وسط الصحراء
هذي أول نقطة في الطلعات والنزلات

النقطة الثانيه
ان البعض أول ما يحس ان موتر دخل في منطقة رملية شديدة أو بما نسميها ( هيار ) < هذي تغط موترك على طول
لازم يوقف على طول إذا كانت السيارة تمشي بسرعة خفيفه جداً بحيث ان الكفرات الخلفية ما تدخل في الرمل العنيف وتغرز بعدها تحدث عواقب لا يُحمد عليها
واذا كنت تمشي بسرعة ودخلت في المنطفة العنينفة .. على طول حط رجلك على البنزين ولف يمين او يسار < وهذي تحتاج بأن يكون الدبل شابك اكثر الأحيان .. اما اللي بدون دبل اكثر الحالات يغرز

النقطة الثالثه
انا شخص حبيت اطلع طلعة عالية لكن سيارتي يصعب عليها طلوعها
وش اسوي ؟
اجي وارقاها مع جنب عشان الموتر ما يطيح عزمه .. ويطلع الطلعه على خفيف وتوصل لطرف الطلعة لو بنسبة بسيطه
واذا شفت السيارة ما قدرت تطلعها .. على طول لف بالطارة على الجهة اليسرى او اليمنى < حسب اتجاه المنحدر من فوق الطعس
كذا تفك نفسك أول شي من التغريز على الطلعه لو لفيت لفه مفاجأه
وثانيهم تفكك من الإنقلاب لو ما احسنت التصرف في قيادة السيارة على ورا لو كنت متجه بشكل مستقيم وناوي ترقى الطعس

اشياء كثيره لازم يتقيدها السواق في النفود وانت رجال مجرب وعندك اخبار كثيره عنها
وانا حبيت اعطي بعض المعلومات للشباب اللي ما قد جربوا يدخلون النفود عشان يستفيدون منها))



نقلتها لكم لأنها تسطر بمداد من الذهب و تزخرف بمغزل من صوف قصدي حرير .. لا تنسون تقيموني وتشكروني .. ولا ما يستاهل الموضوع؟؟
واعتذر مقدما ً من راعي الجي تي .. أبو نا يف:SnipeR (44):

الموضوع الأصلي: معلومات مفيدة لمرتادي النفود العنيدة || الكاتب: تويـوتا || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

lug,lhj ltd]m glvjh]d hgkt,] hgukd]m