شريت مكسيما 2002 وفيها صوت والكل يفتي على مزاجه خبراتكم لاهنتم

شريت مكسيما 2002 وفيها صوت والكل يفتي على مزاجه خبراتكم لاهنتم

السلام عليكم

شخباركم شباب

معاكم عضو جديد الاسم هيثم من الدوحة

شريتلي مكسيما ياشباب 2002 ممشاها 2380000 الف

في صوت في الددعس وانا واقف مثل طررر وكأنه يطلع من الأقزوز

المهم

اول ما اشغل السيارة بس ترتااح اشغلها يطلع صوت وكأنه الزيت يتأخر يطلع في المكينه كذا طقطق طر بسسسوبس يروح الصوت في اول 3 ثواني تروح علامة الزيت والصوت صافي بعدين

خليها تحتمي وادعس ريس خفيف الصوت يصير متفاوت يعني احياناً اوصل الار بي ام لل3 او 2 والصوت طرررر الي قالي بمب الجنزير والي قالي الجنزير مرتخي والي قالي نظيف المكينه بسائل خاص ابو ربع ساعة

انا وديتها اول ما جتني فلووس هههه فل سيرفس كل شيء بدلته من الوكاله بواجي وفلتر هوا وزيت المكينه مع الفلتر وزيت الجير مع الفلتر والكازجيت والسيارة صار احسن

المهم اشوفلكم الزيت صار اسود بعد 100 كيلو بس !!!! اشتريت غيارين زيت مع الفلاتر وبدلت الثاني واللحين مشيت 1000 كيلو في كم يوم مع ضرب خطوط وسرعة والزيت انضضضضضف بكثييير من هو جديد هههههه وبعد ببدل هالاسبوع ان شاء الله

المهم ادري غثيناكم بس مشكلة الجنزير وش اسوي فيها ؟؟؟؟هل فعلاً جنزيييير الكل يقولي الجنزير مكشلة في الماكس ودراهم مافي وخوفي ينقطع ياويلتاااااه وتجيم المكينه :frown:

واحد امس قالي روح الوكاله وخيلهم يشدون السير ياخذون نص يوم ويشدونه ب 500 ريال

وواحد يقول لاتلعب بالمكينه بتخرب التايمنج ومدري وشو ااااخ شسوي والله اني دخت !!!!!!!

اذا تبوووون اسجلكم مقطع فيديو بكرة ان شاء الله

لا هنتم خلوني اعرف انااااام

الموضوع الأصلي: شريت مكسيما 2002 وفيها صوت والكل يفتي على مزاجه خبراتكم لاهنتم || الكاتب: نيسان 1 || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

avdj l;sdlh 2002 ,tdih w,j ,hg;g dtjd ugn l.h[i ofvhj;l ghikjl