اليوم حبيت أطرح فكرة جديدة ومفيدة لنا جميعاً وهي بهالموضوع فكرة هالموضوع إن أي واحد عنده معلومة تفيد الاعضاء في الاكورد يطرحها هنا لأن اغلب المواضيع يلي ننزلها مع الوقت محد يشوفها و ولا أحد يقرأها وفيه معلومات نكتسبها من ميكانيكيين أو نقرأ عنها في الكتالوج وممكن حنا نعرفها وغيرنا يجهلها والعكس صحيح لكن بهالموضوع كلنا نتفاعل بالمعلومات المفيدة عشان نفيد ونستفيد من بعضنا
يلي نبغاه منكم تحطون بهالموضوع المعلومات يلي تعرفونها عن الاكورد سواءً ميكانيكياً أو كهربائياً ويفضل ذكر الموديل أو الجيل يلي بتطرح عنه اي معلومة او اي فائدة
وانا بطرح لكم معلومة عشان توضح لكم الفكرة
باسم الله
من ناحية زيت المكينة (بالنسبة للجيل السابع) المقدار الصحيح للتعبئة هي كتالي :
4.2 لتر مع السيفون - يعني اربع لتر أو (اربع علب ) و 200 ملل
4.0 لتر بدون سيفون - يعني اربع علب صافي
و اغلبنا للأسف وانا كنت منهم يعبي اربع علب ونص مع تغيير السيفون يعني ( 4.5 لتر ) وهذا غلط ممكن تسبب تندية للمكينة
وهذي صورة من دليل المستخدم السيارة :
( و أهل الجيل الثامن راجعوا كتيب دليل المستخدم وافيدونا مع إن المكائن بالنسبة لـ 4 سلندر نفس الجيل السابع المكائن لكن الاختلاف ممكن في الـ 6 سلندر )
وعندي معلومة أخرى اكتستبتها من ميكانيكي
يوم تجي تشغل السيارة وتحط المفتاح على ( ON II ) وهي التكة الثانية تنتظر لين ما تطفي لمبة المكينة ( CHECK ENGINE )
وهي في هالحالة تحت التجهيز وبتلاحظ او ما تحطها على الـ ( ON II ) تسمع صوت وبمجرد ما تطفي لمبة المكينة يختفي هالصوت ولمبة المكينة او ما تطفي معناتة تم التجهيز وتشغل السيارة و ما عندك مشكلة وانا لي شهرين وانا اسويها مع إن لي فترة طويلة وانا على طول اشغل
اتمنى التفاعل من الجميع بهالموضوع وياليت المشاركات تكون بمعلومات يلي بيشكر يدعي لنا في ظهر الغيب أو على ايقونة شكرا لك
09-08-2011, 04:40 AM
العرض المتطور
