|
||||||
التسجيل السريع مُتاح |
|||||
| |
| انشر الموضوع |
 |
|
|
|
|
أدوات الموضوع | انواع عرض الموضوع |
|
|
10-10-2011, 08:44 PM
|
المشاركة رقم: 1 | ||||||||||||||||
|
المنتدى :
تـويوتـــا
أنا بصراحه راح أبدا لكم من البدايه واقولكم عن قصه شرائي للموتر أول شي ابيكم تدعولي بالبركه ..، أنا اسكن بالرياض عزابي لضروف الدراسه والوالد كان مواعدني بموتر وقالي أنا ماراح اجبرك على سياره بعدين تقول أنت اجبرتني الوكاد بدأت مرحله البحث عن السياره قبل 3 اسابيع بصراحه خشت مزاجي الأزيرا وصرت ابحث عن 4 سلندر بانوراما مع اني متخوف من السقف لكن قلت الموتر مغري بحثت بالوعلان ويقولي الموظف فيه واحد حاجز من رمضان وللحين ماوصلت واكلم واحد من المجدوعي ويقولي مافيه الا 6 سلندر ب96 ألف ..، قلت غاليه مره وبدأت مرحله البحث بالمعارض النسيم ثم الشفا حصلت معرض قالي ب90 ألف ريال بأسمك كلمت الوالد قالي براحتك وخلك مقتنع تماماَ حولي الفلوس من بعد 3 أيام تقريباَ واكلم المعرض عشان اخذ الوصف لأني ضيعته من بين المعارض فقالي انباعت ياولد من هينا من هينا قلت ياولد دور غيره واروح لمعرض ثاني لقيت ازيرا بس زياده حساسات عن السابق قلت بكم قالي ب93 الف قلت ياساتر بس عشان حساسات زياده هالقيمه ويحاول براعي المعرض ويخصم ألف قلت الموتر والله غالي واتصل على موظفي المجدوعي قالي الي انت لقيته بهالسعر قبل يوم كان متوفر عندنا كان بــ 86 بس الوكالات فاضيه والمعارض تعلب بالأسعار وكنسلت الأزيرا من مزاجي فكرت بالسوناتا مع انها ما اعجبتني بتاتاَ واحاول اقلبها يمين يسار وفيه خالي يضغط علي خذ سوناتا والله ممتازه عاد انا الي خوفني الأعضاء من منتداهم قليل الي يمدحها كل من اخذها قال فيها وفيها عاد سألت عن النص فل قالي ب82 قلت طيب وبديت استشير وادخل على حراج واشوف الي يبيعون سياراتهم واجد مع أن الموتر مامشى واجد واحصل اعلانات من اسبوعين وثلاثه وسويت حركه جديده صرت اتصل على صاحب الأعلان الي يبي يبيع سيارته اذا قالي بعتها واقولهم كيف الموتر بصراحه أنا باخذ واحد جديد تنصحني فيه والا لا بصراحه مامدحه الا قليل بعدد المكالمات والي مدحوه السياره موجوده عندهم ماباعوها فأكثر الي كلمتهم قالوا بعنا السياره قلت تنصحني بواحد فكان ردهم كالتالي:. واحد قالي الموتر فيه حذفيه يسار اذا مسكت فيه خط ..، والثاني قالي صوت البانوراما مزعج جداّ يقول الي يركب معي يقول وش هالصوت ..، والثالث قالي انصحك بالأكورد ..، مع العلم أن هذا كلام الي مجربينها ..، قلت الحمد لله على كل حال وانزل اليوم النسيم واشوف الكوامري والله مليانه المعارض واسأل عن الأنواع بصراحه لقيت التورنج حليل ويصلح لي سألت عنه في معرض اليحيي موزع معتمد قالي ب82 قير توماتيك قلت اخر شي قالي بنقص لم 500 رحت للفلاح قالي ب80 بدون تأمين عليك التأمين اخر حبه وبعد فرفره ودوران اروح لمعرض وبعد المكاسر عطاني الموتر ب79 صافي بصراحه السعر كان مغري واتصل على الوالد قلت اباخذ كامري بصراحه انبسط الوالد وقالي اتصل على خالك يجي يشوف الموتر وادفع عربونه وادق على خالي بعد العشاء قلت انا بالنسيم تقدر تجيني قال خلاص واوصف له المعرض ويوقف عندي قالي وش الموتر قلت كامري قال هاااااااا والله أنه استغرب وقالي وش هالمسكه قلت الحمدلله أنا راضي عن الموتر قالي خذ سوناتا قلت محد يمدحها قالي والله عندي لها 6 سنوات يقصد الموديل القديم قلت ياخال والله ماتصلح عاد شوي ونتهاوش داخل المعرض قالي بكيفك وادفع عربون قبل شوي والحمدلله 79 والباقي حول 10 الآلف من ال90 الي حول الوالد لي قلت الوالد اولى فيهن بدال ما احطهن بازيرا ولا سوناتا عاد ياشباب أنا ركبت الموتر ماشاء الله اول مره اركب هالموديل بصراحه عجبني وكوويس ووسيعه من داخل ..، فيه بعضكم بيقول ليش ماصبرت للموديل الجديد بقولكم لعده اسباب ..، اول شي الموديل هذا شكله كويس ثانياَ خفت من السعر وبثقل على الوالد ثالثاَ خفت من خرابات أول دفعه الحمدلله على كل حال والي يبي من هالشكل ترا المعارض مليانه بس يبيلك تدور تدور لين تحصل الوكاد ياشباب ابي نصايحكم الحين ..، الموتر بإذن الله بكرى بيطلع وابي اسأل ودي اخشب الطبلون والبيبان والدركسون ونجدها مدري كم بيكلفن واي افضل محل بالغرابي كم تكلف التخشيبه والتنجيد ..، ومدري ايش اعبيها بنزين وكم تفللونها ..، معليش تحملوني بالأسئله واقبلوني معكم بهذا القسم الأكثر من رائع ..، وطالبكم أنا تعبت ايدي من الكتابه ابيكم تذكرون الله وتدعولي بالبركه واي استفسار أنا حاظر الموضوع الأصلي: الحمدلله شريت كامري 2011 قصه 3 اسابيع كل شي بالداخل ..، || الكاتب: تويـوتا || المصدر: عرب موتورز
hgpl]ggi avdj ;hlvd 2011 rwi 3 hshfdu ;g ad fhg]hog >>K |
||||||||||||||||
|
|
||||||||||||||||
| وصلات دعم الموقع |
| وصلات دعم الموقع |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض المتطور
