|| واخيراا تقرير مفصل عن شاشة فلاي اوديو للماكسيما 2010-2011 ||

|| واخيراا تقرير مفصل عن شاشة فلاي اوديو للماكسيما 2010-2011 ||

بسم الله الرحمن الرحيم


السلام عليكم اخواني ملاك المكسيما والزوار


طبعا الاغلب سمع عن شاشة الفلاي اوديو وسبق نزل تقرير عنها من العضو محمد ال متعب قبل سنه تقريبا وانا من يومه وانا ناوي اركبها بس ما لقيت لها اثر في المدينه المنوره ولا في احد يعرف يركبها

قبل اسبوعين تقريبا مريت محل مختص بالشاشات وسالته عن الفلاي اوديو للماكسيما قال نطلبها لك من الامارات ونركبها لك عطيته عربون ويوم وصلت ركبتها والحين لها 5 ايام يعني ماشفت كل شي بالشاشه ولكن فهمتها بنسبة 90%


------------

محتويات الموضوع /

- مواصفات الشاشة
- شرح الايقونات في الشاشه
- طريقة تنزيل ملفات GPS على الذاكرة
- مميزات وعيوب الشاشة
- الاسعار والتركيب
- انطباعي عن الشاشة

-------------------------------

بسم الله

مواصفات الشاشة /

-شاشة LCD بحجم 7 انش
- دقة الشاشة 800x480
-وزن الشاشة 2.5 كيلو جرام
- شاشة تعمل بالمس
- دعم وتصفح ملفات usb
- امكانية توصيل AUX + ipod
- بلوتوث + Dvd
- تدعم برامج ملاحة متعددة



---------------------------------------------


شرح الايقونات في الشاشه /







1- DVD

الـدي في دي جدا رائع والوضوح حلو بالنسبه لشاشة سيارة وتقدر تشغل المقاطع عن طريق دي في دي او عن طريق اليو اس بي
و عيبه انه لازم توصل سلك aux يكون بالاصل موجود من الدي في دي عشان يشتغل الصوت
وهذا هو جهاز الدي في دي بالدرج




هنا تختار المقطع وطريقة العرض 4:3 او 16:9




وهذي والدي في دي شغال على مسامير برنامج مالك نجر المعروف





ملاحظة ,,
الصيغة اللي تشغلها الشاشه هي mpg

-------------

2 - CD

طبعا ميزه موجوده بشاشة الفلاي اوديو للماكسيما وهي انه ماراح ينلغي عليك مسجل الوكالة وبتشتغل الــ6 سيديات كامله مثل ماهي





هذي السيديات واضحه وموجود 3 سيديات داخل المسجل

----------------

3- الراديو




كل شي واضح ومثل المسجل ماراح يتغير شي تتحكم فيه من نفس المسجل

---------------------

4- ipod

وهذا خاص للي عندهم ايفون او ايباد او ايبود يغنيك عن سلك الــ aux اللي بيكون مشبوك فيه سلك الصوت حق الدي في دي وتقدر تفصل سلك الدي في دي وتشبك جوالك بالــ aux اذا ماكان يدعم الايبود

وهذي صورة له جنب اليو اس بي بالدرج ( السلك الابيض )






-----------------------

5- gps


صورة لبرنامج igo




وتقدر تستخدم اكثر من برنامج تختارها من هنا




وهذا شرح للي بيركب اي برنامج من عنده




-------------------------

6- بلوتوث

ايضا في البلوتوث ماراح ينلغي بلوتوث الوكاله و بيشتغل الاثنين




انا ماركبت المايك حق بلوتوث الشاشه واكتفيت ببلوتوث الوكاله



------------------------------

7- الاعدادات

وتتحكم فيها باعدادات الشاشه



تشغيل الجي بي اس توماتيك
وتعديل الساعه
والباقي ماجربته

----------------------- خلصنا من ايقونات الشاشة

- مميزات وعيوب الشاشة :

المميزات :

1 - اكثر شي كنت شايل همه هو المكيف وكيف راح تكون طريقته بس الحمدلله معلومات المكيف تطلعلك كاملة على الشاشة



وحتى لوكنت على السي دي او الدي في دي وشغلت المكيف يطلعلك شريط فوق يبينلك حالة المكيف





2- اللمس استجابته جدا رائعه وجربة شاشات غير الفلاي اوديو كلها اقل منها بكثير

3- تركيبك للشاشة ماراح يلغي ولا شي سابقا المسجل والبلوتوث وازارير الطارة كلها شغالة

4- تقدر تتحكم بشدة اضائة الشاشة بـ 4 مستويات
ساطع و متوسط ومنخفض و off تشوفونها تحت الاييقونات

5- جميع سماعات الوكالة شغالة 100%

6 - مميزات كثيره بتكتشفها لا ستخدمة الشاشة

عيوب الشاشة /

1- الشاشة داخلة شوي اكثر من شاشة المعلومات وانا استغرب من اللي ركبو فلاي اوديو سابقا ماذكرو هالنقطه او ان تركيبي لها خطأ ؟

2- ماهو عيب بالفلاي اوديو بس شاشة الوكالة مافي مثله والشد بلد مافي مثله عشان كذا لو قدرت تاخذ فل احسنلك من تركيب اي شاشة ( وهذا رأيي الشخصي )





------------------------------------

- الاسعار والتركيب

السعر كان جدا رائع وانا الى الان مالقيت ارخص من هذا السعر وهو مع التركيب او بدونه على كيفك

السعر 2800 ريال

من محل اعجوبة للشاشات في المدينة المنورة خلف مستشفى سليمان الاحمدي

اللي يبي يرقمه يراسلني بالخاص

----------------------------------




- انطباعي عن الشاشة

طبعا مع كلامي عن عيوب الشاشة الا انها جدا رائعه وبصراحة السياره صارت افخم بكثير من السابق
مميزات الشاشة تنسيك عيوبها واستخدامي لها ماتعدى اسبوع وان شاء الله نكتشف اشياء جديده و نكتبها لكم


-------------------------------


اتمنى اني عطيتكم انطباع لو بسيط عن الشاشة واعتذر عن ردائة بعض الصور

واي استفسار انا حاضر

النهاية

الموضوع الأصلي: || واخيراا تقرير مفصل عن شاشة فلاي اوديو للماكسيما 2010-2011 || || الكاتب: نيسان 1 || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

|| ,hodvhh jrvdv ltwg uk aham tghd h,]d, gglh;sdlh 2010-2011