حبيت اطرح موضوع مهم جدا كان لاعب في حسبتي وهو :
انخفاض دواسة الفرامل في الباترول الذي امتلكه موديل 1999
وهذا الموضوع حيرني وحير بعض الورش والوكاله
1-غيرت علبة الزيت بالكامل وسعرها 550 ريال
2- غير قسام الفرامل اللي فوق الدفرنس الخلفي 780 ريال
3- غيرت زيت الفرامل مع اخذ الهواء من جميع الاطارات الاربع مع القسام مافي فايده
4- البوستر مظبوط 100%
5- فكيت الكليفرات الاربعه ونظفتها قلت يكون فيها وسخ او تهريب زيت خفيف جدا
كل هالحلول ومافي فايده دواسة الفرامل منخفضه الى النصف ...
وبعد سنتين من وجع الراس والخساير و فتاوى المهندسين واستهبال الوكاله ( الحمراني )
قبل يومين كنت حايس في منتدى روسي وكان الموضوع عن الفرامل .. طبعا السالفه كلها انسخ الصفحه ثم ترجم الى العربيه (( الانجليزيه و نخب عليها وش حال الروسيه ))
رفع احد الاعضاء رابط للباترول فيه كل تفاصيل السياره مسمار مسمار
ثم وصل الشرح الى قسام صغير على الشاصيه الايمن في الباترول هذا القسام هو اللي يوصل
الزيت من البوستر الى فرامل امام و خلف .....
يحتاح الى تفرغ هواء يعني تحل المسمار شوي ويكون عندك واحد يدبل على دواسة الفرامل
وما اشوف غير الدواسه اصبحت مرتفعه يعني ربع الدعسه والموتر كنه مسمر بالأ سفلت
مع اني سألت كثير من ركابة الباترول هم يشتكون من نفس المشكله
والحمد لله وصلت للحل عقب سنتين ...
اتمنى ان يفيد هذا الموضوع
ابي ردود منكم و تعليق بخصوص هالمشكله ... وتحياتي لكم
12-05-2011, 06:01 PM
العرض المتطور
