|
||||||
التسجيل السريع مُتاح |
|||||
| |
| انشر الموضوع |
 |
|
|
|
|
أدوات الموضوع | انواع عرض الموضوع |
|
|
12-18-2011, 08:52 AM
|
المشاركة رقم: 1 | ||||||||||||||||
|
المنتدى :
فـــــورد
بسم الله الرحمن الرحيم والحمد لله والصلاة والسلام على اشرف الانبياء والمرسلين نبينا محمد وعلى اله وصحبه اجمعين اما بعد: بصراحه شدني موضوع اخونا المشرف جـذاب عن الموضوع الشامل عن مشاكل الفورد والمعروفه والمتكرره عند الكل وحبيت انزل موضوع ولكن باذن الله يتم تحديثه اذا كانت هناك مشاكل جديده وراح ننزل المشكله وحلها حتى القارئ يستفيد ويستطيع البحث عن المشكله وايجاد حلها باذن الله نبدأ بأول مشكله : ضعف الأنوار الكثير منا يشكي من ضعف الأنوار في الفورد بشكل عام ( فيكتوريا – ماركيز – تون كار -...) وفي الحقيقة الناس تعبوا من التجارب الغير مفيدة ومن الحلول وقد تكون فيها عيوب مثل الزينون ناس تشتكي من سوء التوزيع وناس تشتكي من انه ركب خط واحد والعالي يطفي او العكس واخر يشتكي من بطئ التكبيس ( العالي للتنبيه ) والمثل يقول الزين مايكمل بصراحه تم تجربه الطريقه الاخرى وهي تركيب الكتاوت الظفيره الصفراء وشمعات الكوريه او المانيه قوتها الواطئ 80 وات والعالي 100 وات وبصراحه الاختلاف كبير جدا جدا من ناحية قوة النور ومن ناحية سرعة استجابة العالي للتكبيس طبعا راح نحط الاسعار لان الموضوع شامل باذن الله الكتاوت = 40 ريال . الشمعه الواطي او العالي للفورد من موديل 92-97 رقم الواطي 9006 سعرها 10 ريال رقم العالي 9005 سعرها 10 ريال الفورد من موديل 98 وفوق رقم الشمعه 9007 شمعه وحده عالي واطي السعر 10 – 15 ريال شغل اليد لا يزيد عن 50 ريال نهائيا ولا ننسى بانه لابد من وزنية النور بالشكل المطلوب انطفاء الانوار وهذا يكون في سبيبن اما كمبيوتر الانور من موديلات 98 وطالع اما باصلاحه او تغيرها سعره 700 ريال او يكون من نفس سويتش النور الفيش تبعه يحترق او السويتس نفسه يخرب سعره 120 ريال ثلاجة الماكينه كثير من موديلات الفورد 98 – 2003 وهيا مسببه الكبيره لارتفاع الحراره ونقص المويه يشتكون من انكسار الثلاجه او تهريب او تبخير على البواجي او الكويلات وبصراحه فيه حلول جذريه وهو وهو استبدال الثلاجه بثلاجه جديده ذات قواعد المينوم لان القديمه كانت بلاستيك مقوى ولكن مع الزمن تنكسر او تهرب وفيه حلول بسيطه تمشية حال على قولتهم اما بلاحم قوي من انواع الغراء في محلات البناء او المحلات التجاريه مثل ساكو .. الخ ولكن ليست اكيده لان لا قدر الله ان ينتهي مفعول الغراء وانت في امس الحاجه للسياره تكون مصيبه فالاولى تغيرها سعر الثلاجه 850 ريال طبعا الي جي معاها الكوع والغطاء البلاستيك وقازقيت الثلاجه شغل اليد لا يزيد عن 300 ريال الكويلات طبعا اغلب الي يشتكون من خراب الكويلات هم اصحاب السيارات من موديل 98 وطالع والسبب من المشكله السابقه ثلاجة الماكينه وهو اما بتهريب المويه او غسيل الماكينه بالماء وعدم تنشيفها قبل تشغيل السياره حلولها بسيطه وقد تكون غير مجديه تنشيفها – فكها وتنظيف مكان البوجي – تثبيت سلك الكويل بشكل صحيح واخيرا استبدالها قيمتها اصلي وكاله 90 – 110 ريال شغل اليد حسب عدد الكويلات وحسب الورشه ثلاجة المكيف ( الهيتر المكيف الحار ) طبعا هذي المسببه الكبيره لتهريب الماء دون معرفة الشخص الا بالنظر تحت السياره ومنها ايضا عدم عمل المكيف الحار لا تصلح نهائيا لابد من تغيرها سعرها 263 ريال لموديل 94  شغل اليد معقد جدا والسبب لابد من تنزيل الطبلون كامل واعني بذلك مثل الصوره  شغل اليد من 400 – 1000 ريال وعلاجها الجذري الغائها بفصل الاهواز الموصله لها من ثلاجة الماكينه المكيف الكتروني مشاكله التعليق اما يحول بارد مستمر او حار مستمر توزيع الهواء بشكل خاطئ حلوله اما باغلاق جميع المخارج المؤديه لطبلون او للارجل وجعلها مخرج واحد للامام فقط او باصلاح الشاشه وقيمتها حوالي 1200 ريال او شراء من التشليح صورته  مروحة المكيف عدم المقدره على رفع قوة التكيف او قوة المروحه للدفع الهواء والي هي الدقات اما في العادي 4 دقات او الكتروني 12 دقه طبعا تكون من حساس المروحه صوره احيان يكون من الفيش الي راكب فيه متكسر من الحراره واذا لم يحل لابد من تغيره طرمبة الماء اعطالها ارتفاع في درجة الحراره وتهريب من نفس الطرمبة طبعا دورة التبريد راح تكون ملخبطه صورتها  حلولها تغيرها ولا يوجد لها اصلاح بيرنج الشداد او البكره السفليه للشداد السير من مشاكلها صوت صرصره او صرير السير وايضا قد تصل الي خروج السير من محله صورها اليمين طرمبة الماء في الوسط البكره او البيرنج في اليسار الشداد والبكره حلولها اذا كانت فقط صرير فمن الممكن غسيلها من الممكن تجمع اتربه زيوت ... الخ وفي الاخير تغيرها باكامل سعرها 25 ريال تركيبها 30 ريال ولا ننسى تركيب السير بالشكل الصحيح  تصلب عصى القير يشتكي البعض من تصلب عصى القير عند وضعه في P واذا نزل لا يشتكي من شئ والسبب ان لمبات الفرامل لا تعمل والسبب حساس لمبة الفرامل طبعا كثير من الورش وللاسف الي يقولك توضيب قير والي مادري ايش من ابداعات المتفلسفين الحساس قيمته 90 ريال تركيبه ماياخذ 20 ريال نقص الزيت له اسباب كثيره جدا وباذن الله اني احصرها نبدا من الاصغر : صوف اماميه او الخلفيه – صوفة فلتر الزيت او بما يسمي السيفون – جلد البلوف – ربلات مسامير غطاء البلوف – واخيرا شنابر الماكينه حلولها لابد من التغيير والاصلاح ضعف الفرامل ضعف الفرامل يكون على اسباب وتكون متفاوته ومعروفه حسب دعسة الفرامل اذا كانت الدعسه تنزل فقد تكون الاقمشه تحتاج الى تغير او الهوبات الي خرط واذا كانت مكسوره او فيها شرخ لابد من التغير سعر الهوب 140 ريال الاقمشه 90 الاماميه والخلفيه 75 ريال شغل اليد حسب الورشه والمخرطه الاماميه الواحد 30 ريال الخلفيه لانها وجهين 45 ريال هذا اول سبب السبب الثاني دعسة الفرامل تكون قاسيه والسبب اما بوجود هواء داخل دورة الفرامل او عطل يكون في باكم الفرامل وهو يجي نوعين لموديلات 92 – 98 و 2001 وفوق  الفرق بينهم من نفس القاعده الي تمسك في نفس الدعسه   مشاكله قساوة الفرامل او كسر نفس مسمار الباكم او تهريب زيت داخل الباكم السبب الثالث تسخين الفرامل الاماميه والسبب يكون من علبة الفرامل وهي الحساسه في دورة الفرامل مشاكلها انها اذا تعطلت يخرب توزيع الزيت على علب الفرامل فبذلك تدفع زيت للكفرات الاماميه دون الخلفيه  حلولها تغيرها سعرها 192 ريال ذراع القزاز كثير بل الاغلب يشتكي من ان سير الماكينه حقت القزاز الراكب او السواق او الخلفيه ( يمين – يسار ) تطيح والسبب ان السير يطلع من الماكينه حلوله بتغيره بصراحه تم تجربة الامريكي وكان سيئ جدا جدا قيمته 70 ريال وانا بصراحه انصح اما بالاصلي وسعره 130- 150 ريال او الصيني 30 ريال شغل اليد 40 ريال بالكثير المساحات البعض منا يشتكي اما ان المساحات ماتشتغل او انها تعلق ماعاد تنزل طبعا اغلب ماتكون من نفس الدينمو الي يحرك المساحات او من نفس السويتش الداخلي قد يكون معلق ولا يوصل كهرب لابد من الفحص الطق طقه اسفل السياره اسبابها كثيره جدا جدا جدا قد لا نحصرها ولكن اهمها والي تستهلك بسبب سوء الاستخدام مثل عدم تشحيم السياره او تزيتها غسيل السياره من اسفل بالديزل وهذا اكبر خطاء لانه ياكل الجلد وينشفها ومنها : جلد المقصات فوق وتحت = جلد البدي عددها 16 – جلد عمود التوازن – مسامير التوازن – الجوزات او الركب – المساعدات – اليايات – الاذرعه - ..... الخ جلد البدي واماكنها  الفحص قبل كل شي وبعدها التغير سقوط السياره من الامام مثل ماشفنا فيه سيارات كثيره وخاصه الموديلات القديمه وايضا الجديده ان السياره تطيح في الارض والاسباب متعدده كم قلنا سوء استخدام او شوارعنا الحبيبه سببها الرئيس الركبه او الجوزه السفليه او الذراع القصير ينفك طبعا الذراع يخلي الكفر يلف يمين يسار لحاله اما الركبه فسقوط السياره كامله وذلك بسبب تحمله ضغط السياره كامل من مساعد ياي ومقص علوي واغلب المشاكل تاتي بعد تهبيط السياره ورفعها وعدم تغيرها او عدم تشحيمها لابد من تغيرها سقوط السياره من الخلف وهذي محصوره عند اغلب اصحاب الهيدروليك ومشاكلها ام الدينمو لايعمل او البالونات في الخلف فيها تهريب وحلها بالتغيير واصلاحها او تبيدلها الى يايات ولكن السياره راح تفقد من رساوتها او عند تحميلها ماراح تكون متوازنه الدينمو الهدرولك جديد 0 0 5 1 ريال البلونات الوحده 0 0 7 ريال الكارونه كثير يشتكي من صوت حنه او ونه في الكارونه طبعا لابد من الفك والتشيك قد تكون رمانات يبي لها تغير او نقص زيت او وزن الكارونه مع البنيون لمبة الاوفر درايف بعض الاخوان يشتكون من عدم عمل الاوفر درايف او ان اللمبه تاشر طبعا هذا سببه ان الحساس في القير غير ثابت او يبي لها تغير التفته او التقطيع طبعا مجالها كبير جدا وقد تصل الى التوضيب لابد من الفحص قبل كل شئ واسبابها : بواجي – اسلاك بواجي – كويلات – حساسات – بخاخات - تبخير او تهريب الثلاجه على البواجي او الكويلات البواجي طبعا غالبا ماتكون هي المسببه للتفته لعدم تمكنها من حرق البنزين بشكل المطلوب عدم اشتعال السياره بشكل المطلوب دخان اسود حلولها لابد من التغيير موديل 92 – 94 سعرها 35 ريال موديل 95 – 97 سعرها 70 – 80 ريال موديل 98 – 2008 سعرها 60 ريال الحساسات كثيره : حساس كام – حساس كرنك – منظم الريس – منظم الهواء – حساس الشكمانات – حساس الثروتل سعر منظم الهواء 290 ريال منظم الريس 150 ريال اعطاله ترسبات غبار او زيت حلوله ام بتنظيفه او تغيره في اغلب الاحيان لمبة التشيك انجن Check Engine المشهوره بلونها الاصفر نجي لمشكلة الفوردات المنتشره وبشكل كبير جدا جدا والي سببت مشاكل وبعض الناس قالوا مهمه واخرون قالوا الغوها وفك نفسك من وجع الراس المصنع او المهندسين بشكل اصح لم يضعوا المبه للعبث وانما لمبة تحذيريه لوجود عطل او خطأ ما لم يفهمه كمبيوتر السياره في بعض الاحيان قد تكون خطيره وبعضها الاخر قد تكون بسبب تافهه من اسبابها الاساسيه والمهمه وهو تعطل احد حساسات الماكينه ومن اهمها منظم الهواء – عيار الزيت – حساس الكام والكرنك – كويلات غالبا في هذي الحالات تولع المبه حلولها منظم الهواء بعض الاحيان اوقات المطر يخش ماء في الفلتر تولع اللمبه ولكن سرعان ماتروح او بتظيف الفلتر او الحساس نفسه او لابد من تغير احد حساسات الهواء عيار الزيت او ضغط الزيت وهذا اخطر واحد فيهم لانه اذا ولع اما بسبب بسيط عطل الحساس او السلك غير ثابت السبب الثاني والاهم والخطير جدا وجود تهريب زيت او عدم طرمبة الزيت لان الزيت مايخش للماكينه او يدور الا من عنده وذلك اشتغلت لابد من التشيك رقم واحد قاعدة فلتر الزيت رقم اثنين حساس الزيت حساس الكام او الكرنك تفتفه بسيطه عند وقوف السياره او عند انطلاقها وفي بعض الاحيان السياره تطفى عند الوقوف الكويلات مثل ماذكرنا في السابق تسبب التفته وهذا جدول للصيانة الدورية : كل 100 الف كيلو تغيير / موية راديتر + بلف الحرارة وفحص الاهواز او الخراطيش تبع الراديتر كل 60 الف كيلو تغيير / بواجي - صفاية بانزين - تنظيف حساسات الهواء - فحص الكويلات+ اسلاك البواجي - سير الماكينة كل 45 الف كيلو / يتم فحص الفرامل ونظام التعليق في السيارة كل 40 الف كيلو تغيير / زيت القير + فلتر القير " اهم نقطة نوعية الزيت لأنها تختلف حسب الموديل " كل 20 الف كيلو تغيير / فلتر الهواء كل 5 - 7 الالف كيلو تغيير / زيت الماكينة + فلتر او سيفون الماكينة قيمته 10 ريال l,q,u uk pg,g lah;g hgt,v] l,q,u hgt,v] |
||||||||||||||||
|
|
||||||||||||||||
| وصلات دعم الموقع |
| وصلات دعم الموقع |
|
12-19-2011, 08:52 AM
|
المشاركة رقم: 2 | ||||||||||||||||
|
كاتب الموضوع :
فولكس فاجن
المنتدى :
فـــــورد
مشكور أخى على الموضوع الرائع تسلم يداك |
||||||||||||||||
|
|
|
||||||||||||||||
|
12-20-2011, 12:41 PM
|
المشاركة رقم: 3 | ||||||||||||||||
|
كاتب الموضوع :
فولكس فاجن
المنتدى :
فـــــورد
تسلم أخى على موضوعك ما قصرت |
||||||||||||||||
|
|
|
||||||||||||||||
|
| مواقع النشر (المفضلة) |
| الكلمات الدلالية (Tags) |
| مشاكل, موضوع, الفورد, حلول |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض المتطور
