حصري تركيب الونج على الاف جي (حصري)

حصري تركيب الونج على الاف جي (حصري)

السلام عليكم ورحمة الله وبركاته

هذا اول موضوع لي في المنتدى واتمنى انه ينال اعجابكم
وهو عن تركيب الونش مع قاعدته على بمبر الوكاله

الونش ينفعك في البر لانك تقدر تسحب اي سياره مغرزه او سيارتك نفسها لو غرزت
تتفاوت قوة السحب في الونش.. وتقدر تختار اللي يناسب احتياجاتك ووزن سيارتك

من سلبياته الوزن الزائد (من 50 الى 80 كيلو تقريبا)
ولهذا السبب انصح بتركيب جامبينات تستحمل هذا الوزن الاضافي

انا عندي الونش نوعه WARN XD9000 يسحب وزن 4 طن..
واشوفه اكثر من مناسب للاف جي

الحين اترككم مع الصور والشرح

في البدايه لازم نوفر المعدات اللازمه
(مفكات بقياسات مختلفه.. سكروب سالب وموجب.. لاصق لتثبيت الوايرات)


هذي صورة السياره قبل تركيب الونش



وهذا الونش والقاعده اللي تثبته في السياره



صوره من زاويه ثانيه



في البدايه نفك البراغي والكليبات المحدده في الصوره لازالة الشبك



صورة السياره بعد ازالة الشبك



وبعد ازالة الشبك نبدا بازالة الكليبات



ونزيل البراغي المثبته للبمبر من الاطرف وتحت السياره





وهذي صورة السياره بعد ازالة البمبر (ذكرتني بالضفدع كامل) خخخ



الحين نفك البراغي الاربعه لازالة الحديده الي تمسك البمبر (قاعدة الونش تركب في مكان هذي الحديده)



صورة السياره بعد ازالة الحديده



للسيارات اللي عليها سوبرجارج نحرك البمب الخاص بالسوبر من وسط السياره الى جهة السائق


والحين نركب الونش على السياره (يرجى من شواب المنتدى توخي الحذر لانه ثقيل.. واللي في ريعان شبابه مثلي ماعليه خوف)



للونش ثلاث وايرات.. اثنين منهم نوصلهم للبطاريه ونتاكد انهم ما يلمسن الاجزاء المتحركه او الحاره



والواير الثالث الصغير يتوصل لاي جزء من الشاصي وانا اخترت هذا المكان



ونجرب عمل الونش بعد توصيل الوايرات



ونشيل القطعه الرصاصيه اللي تكون في البمبر تحت (انا ركبت بمبر قديم عندي استخدمه للتجارب)



ونرجع نركب البمبر والشبك وتكون السياره والونش جاهزين



في الختام سامحوني على التقصير في تقريري المتواضع
واللي عنده اي استفسار يرجى التواصل ع الخاص (للاعضاء فقط)
والزوار ما بجاوبهم الا اذا صاروا شطار وانضموا لنا في المنتدى علشان نفيدهم ويفيدونا

بالنسبه للاسعار
الونش وارن 4 طن سعره في حدود 5000 الى 5500
القطعه اللي تثبت الونش في السياره (حديد صب) من شركة lucrum بحدود 600 دولار بدون الشحن.. ومن الممكن تفصيل نفس القطعه في الدوله بحدود 1500-2000 درهم

وحاظر لاي استفسار

اخوكم

بن دبي

( منقووووووووووووووووول للفايده )

الموضوع الأصلي: حصري تركيب الونج على الاف جي (حصري) || الكاتب: تويـوتا || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

pwvd jv;df hg,k[ ugn hght [d (pwvd)