قالوا لي القيير يبي تغيير

قالوا لي القيير يبي تغيير

السلام عليكم ورحمة الله وبركاته

صباحكم/مسائكم..خير

اخواني الكرام:
انا معاي اوريون 2007 وماشيه فوق 150.000&lt*****قولوا ماشاء الله وتراي راعي تردد على القصيم

الاسبوع اللي فات القير عندي بدا يفلت بالتعشيقة الثالثة
يعني اذا جاء يغير من الثالث للرابع تقل يفضي ويدوس بعدين يلقم(يعني الكمبريشن ياصل حول 6 بعدين يلقم القير )

وتقل فيه طقه او (نتعه)خفيفة عند كل تعشيقة

الصراحة ضاق صدري

طبعا اخواني انا من بريدة رحت لكم واحد بصناعية السليم وقالوا لي اننا مانعرف لقير الاوريون
المهم دلني واحد على ورشة الشيبان اللي بخضيرا

فحصوها كمبيوتر وقالوا الكهرب سليم

طلع واحد مصري معي وجربها ولقى ان الثالث يفوت

وقالي القير يبي تغيير:SnipeR (30):

وحتى الريوس مالقم كم مره وفضى

المهم جاء المهندس السوداني وقالي يبي له تغيير ولكن غير زيت القير وخلنا ننضف الفلتر

للمعلومية انا ماغيرت زيت القير وماشي عليها فوق 50.000

قالي لعل وعسى انه يضبط اذا غيرت الزيت وتسلم من 5000 (قيمة القير)وشف جربه عشر ايام ان ضبط معك فغير الزيت والفلتر وان ماضبط معاك الشكوى لله لازم تغير القير

طبعا قالي التوظيب راح ياكل عليك اكثر فتغير القير ارخص وتلقاه بالتشليح من 4500-5000

بعدها بيومين رجع التفليت





جينا للزبدة:

من له رأي او شور او خبرة ياليت يفيدن

وش الحل مع القير والله ضيق صدري

يعني معقولة ابغير قير كامل ويبي ياكل علي حول 6000 ريال

واللي يعرف احد خبرة قوية بقير الاوريون ياليت يدلن عليه لعل عنده الخير


واذا كان حتما ولابد من تغيير القير فيالت تدلوني على احد سواء ببريدة او الرياض

يكون عنده مستعمل ورخيص واحد يركب القير مضبوط




لاحرمك الله الاجر

وبانتظار آرائكم الكريمة..

الموضوع الأصلي: قالوا لي القيير يبي تغيير || الكاتب: تويـوتا || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

rhg,h gd hgrddv dfd jyddv