طريقة فك ديكور المكيف للكامري 2003 - 2006

طريقة فك ديكور المكيف للكامري 2003 - 2006

السلام عليكم ورحمة الله وبركاته

اسعد الله صباحكم / مسائكم بكل خير

تقريري اليوم عن طريقة فك ديكور المكيف للكامري 2003 - 2006

اترككم مع الصور فهي ابلغ من الكلام

طبعاً اول شي نقوم بفك الديكور المحيط بالمسجل والساعه

ويجب سحبه من الخط العلوي للخارج بهدوء عشان ما تكسره

بعد ما تخرجه من مكانه راح تلاحظ سلك متصل بنفس الديكور

من خلف الساعه وتقوم بالضغط عليه لفكه وإخراج الديكور

صوره للطبلون بعد ما تم فك ديكور الساعه

وفوق المسجل بتلاحظون مسمارين لتثبيت المسجل ومسمارين

من الجوانب السفليه لونها اصفر او نحاسي وعددها كامله اربع مسامير

يتم فكها لإخراج المسجل

صور للمسمارين الجانبيين

صوره للطبلون بعد ما تم تشليحه هع هع

الآن راح نبدأ بفك ديكور المكيف

اول شي

يجب فصل اسلاك فتحة التهويه ودرجات التحكم ببرودة المكيف

المسكة اللي باللون الأزرق حقت سلك فتحة التهويه

يتم الضغط عليها من الأعلى لفكها ويتم سحبها لأعلى مثل طريقة

ماسكة الأوراق

صوره لمسكة درجة برودة المكيف ويتم فكها بنفس الطريقه

صورة بعد ما تم فك المسكات اللي باللون الأزرق والأحمر

بعدها يتم فك السلكين الحديديه الرابطه بين ديكور المكيف والمسكتين التي تم فكها

وتحديداً الموصله بالقطعه البلاستيكيه السوداء نقوم بسحبها لأعلى

صوره بعد ما تم فك اسلاك ديكور المكيف كامله وعددها اربع

2 - المسكتين الزرقاء والحمراء

2- السلكين الموصله للكهرب بمنتصف الديكور

صور للديكور وهو جالس ينتظر مصيره :SnipeR (7):

ركزوا الحين في كلامي تماااااااااام حتى ما تجيبوا الطامه اوك

اول شي نقوم بفك الفرارات كامله وعددها اربع

1- فرارة التهويه

2- فرارة درجات التبريد

3- فرارة التوجيه

4- فرارة درجة حرارة المكيف

وراح يطلع معاك نفس هالشكل

والحين نجي للمهم

نقوم بفك كلبسات الوجه الخارجي للديكور وراح نحتاج مفك ( سكروب ) عادي

وعدد الكلبسات 7 او 8 ثالث اماميه وثلاث خلفيه و وحده او ثنتين مع الأطراف

ولسهولة فك الديكور يجب ان تبدأ من الجهه الخلفيه للديكور

نبدأ بسم الله بفتح الكلبسات برفعها قليلاً لأعلى

لأن في حالة رفعها لأعلى بزياده على طول راح تنكسر

راح يتم فك كل وحده وإمساك الديكور بإحكام مع سحب مكان كل كلبس

حتى ما يرجع يركب في مكانه

المرحله الأولى يتم فك الجهه الخلفيه بهدوء وبعد ما تفتح كامل الجهه

تبقى حاط يدك حتى ما ترجع تتركب مره ثانيه

وتسوي نفس الطريقه بالجهه الأماميه ومع الجوانب

وراح يطلع معاك الشكل النهائي زي كذا

تنبيه

القطعه النيكل المحدده باللون الأزرق لازم تنتبهلها اثناء تغيير الأنوار الداخليه

لأنها لو سقطت من مكانها ماراح يشتغل معاك فرار التحكم ابداً

وكذلك قطعه بلاستيكيه شفافه موجوده في الركن الأيسر من الديكور

تقريباً خلف زر الفلشر

صوره توضح اماكن اللمبات وعددها خمس

حبتين في الأطراف وثلاث حبات في المنتصف

وأماكنها واضحه كل ما عليك هو انك تفرها مع القاعده بإتجاه عقارب الساعه

وتخرجها من مكانها وتغير اللمبه وترجعها فقط

صوره لطريقة إخراج اللمبه من الديكور

لإخراج اللمبه من القاعده لابد من استخدام مفص لأنها تخرج مع الحديدتين الجانبيه

في نفس القاعده او إذا تخاف تخربها وديها لأقرب كهربائي يركبها لك

لأني حاولت اصور طريقة إخراج وتركيب اللمبه لكن بدون جدوى لأنها تحتاج لكاميرا كويسه

واللي عندي ما تلقط الا بالعافيه طبعاً التصوير كان يمشي حاله لأنه بجوال n70

لو كان عندي كاميرا صاحيه كان نزلت صور صاحيه

لكن بحاول اوصل الفكره قد ما أقدر لطريقة فك اللمبه

تجيب المقص وتحاول تفك الحديدتين وتفصلها عن القاعده وراح تخرج مع نفس اللمبه

وإذا خرجتها تقوم بقطع الأسلاك المتصله باللمبه

وترجع الحديدتين لنفس القاعده وتركب عليها اللمبات الجديده

وحتى تتأكد انها تشتغل والا لا

توصل الأسلاك اللي كانت راكبه في ديكور المكيف طبعاً راح ترجع السلكين اللي في المنتصف فقط

والسلكين اللي بالمسكات الزرقاء والحمراء ما تركبها لأننا نبي نتأكد ان اللمبات تشتغل او لا

وإذا إشتغلت كلها ترجع كل شي زي ماكان وتركبه

وهذي صوره لإنارة الديكور بعد ما تم استبدال اللمبات المحروقه

وفي الختام

اتمنى ان يكون هذا التقرير قد حاز على رضاكم

وأتمنى انه يكون واضح بالشكل المطلوب لأني سويته سريع سريع

بناءً على طلب أخوي قلبي عليك والموضوع إهداء له ولا يهونون بقية الشباب

وأحب اذكر انه اللي يحس نفسه ما يعرف يسويها لا يسويها

لأنها بصراحه متعبه وتاخذ منك الشغله حدود ساعتين

والسلام خير الختام

الموضوع الأصلي: طريقة فك ديكور المكيف للكامري 2003 - 2006 || الكاتب: تويـوتا || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

'vdrm t; ]d;,v hgl;dt gg;hlvd 2003 - 2006