السلام عليكم و رحمة الله و بركاته
أسعد الله أوقاتكم و عساكم ع القوه
شباب أنا من عشاق الهوندا أكورد و ما خذيتها و بسعرها الغالي إلا عشانها غاليه علي و داخله مزاجي بخيرها و بشرها
و لكن في الآونه الأخيره صارت أغلب المواضيع بالمنتدى و أكثرها ذم و قدح و خلافه ع سياره إسمها أكورد و أنا ما أقول إمدحها لكن زادت هالامور عن حدها و الله اني صرت أدخل و مالي نفس أدخل بس فراغ أشوف أيش جديد المنتدى ..
و مع ذلك تبقى أحلى السيارات من فئتها و الاكثر جوده وافقتم أم لم توافقوا على ذلك ..
حتى صار اللي يبي يأخد أكورد و يدش هالمنتدى ينحاش و ما عاد حتى يفكر يشتريها ..
و أنا متأكد إنه حتى اللي ما جربها بيوم صار يفتي عنها من كثر ما يسمع مع الناس و الا يشوف في المنتدى عنها ..
و الأكيد إنه أغلب الأشياء اللي يشتكوا منها أصحابها من سوء إستخدامهم .. سمعوا إنها تتحمل كرف قالوا يالله نكرف أبوووها و هي حتتحمل و ماا راح تخرب ...
و الأكيد أيضا ً إنه في شباب مسجلين بهالمنتدى ما يملكوها بل يملكوا منافسيها من السيارات و ما سجلوا هنا إلا عشان يخربوا صورتها أمام الملأ من الراغبين بشرائها و عشاقها أيضا ً ..
فيا ريت يا شباب تخفوا عليها و تهدوا و ما فيه سياره ما تتطلب دفع و خساره على المواد الإستهلاكيه أو غيرها من عيب صناعي أو غيره ..
و يجيك واحد يقول يا ليتني ما خذيتها و يا ليت أخذت السياره الفلانيه و لو أخذ الساره الثانيه كان يقول يا ليتني خذيت أكورد و شوفوا هالمواضيع بمنتديات السيارات الأخرى ..
و متأسف ع الإطاله و أتمنى إنه ما تخسر في سيارتك ريال واحد و إنها ما تتعطل عليك في يوم من الأيام ودمتم بألف خير .....
12-19-2010, 12:58 AM
المواضيع المتشابهه
العرض العادي
