انا عندي كامري 2007 واخوي عنده 2002 فرق السما عن الأرض في الراحه والتحمل اما القوه تبطي عظم الـ 2002 الـ 2007 أقوى بمراحل سواء مكينه أو قير ولكن انا من شريتها ماني مرتاح السياره قاسيه على المطبات هذا غير المراتب كانك جالس في مجلس عربي مراتب قاسيه وأما بالنسبة لاصوات الديكورات مقبوله صوت المكينه ناعم والعيوب المصنعية مقبوله اللي هي ( المساعدات الأمامية والخلفيه , مساعدات الكبوت , عمود الدركسون ، الهوبات الملتوية اللي تسبب رجه على السرعات العالية) ورجاء لا أحد يجي هوبات موترك يمكن متعرضه لمويه وصار فيها التواء خفيف او مسكت فرمله بقوه او مدري ايش
هذا شي معروف الهوبات يجي فيها التواء خفيف ما يبين الا على السرعات العاليه ولا تقدر تشوفه الا اذا جيت تسوي خرط يبين لك انه ملتوي شوي
المهم انا من فترة نفسي في fj من شهور ادور لي واحد نظيف مستعمل وصرت ادخل منتدى fj ولاحظت أن الـ fj لا يخلو من العيوب المصنعية إبتداء بالفرامل إلى القير في بعضها مانقول كلها إلى الأصوات الداخلية في الديكورات والأبواب إضافة إلى نظام عزل الصوت الخارجي في الخطوط طبعا هذه العيوب انا جمعتها من بعض المواضيع ولكن كنت لا أزال أرغب بشراء fj ( وانا على فكره قبل كذا ماعمري ركبت اف جي او سقته اشوفه بس يمشي في الشارع)
وذهبت قبل امس الى احدى الصالات وركبت اف جي ( أقسم بالله من ركبته وقفلت الباب كرهته) والله العظيم صوت الباب كانه صوت باب شاص موديل 80 واذا تقفل الباب تحس البيبان كلها تحركت معه واللي جالسين في الصاله يسولفون كأنهم جالسين معي يعني أبدا أبدا مافيه عزل صوت هذا غير المراتب مافيها ابداً شي من الراحة أو الرفاهية ( طبعاً انا عارف انه جيب لا أحد يجي ويقول تدور الرفاهيه في جيب انا ما قلت ابيه بي أم أو لكزس أو امريكي ولكن ولو شي قليل يخليك تحس وانت جالس فيه بانك في سياره ماهو جالس على رصيف) كاني جالس على الرصيف واما المرتبة الثانيه الدخول إليها مشوار لوحده إضافة إلى أن اللي يجلس فيها يجلس وركبه في بطنه من الضيق بين المرتبتين ( طبعاٌ هذه صيغة مبالغه فقط ) وسعره المبالغ فيه لان مافيه شي جابو قير ومكينه 6 سلندر وركبو عليها البدي والداخليه شوي بلاستيك مركب على بعضه وقالو خلاص طلعنا لكم جيب رقم 1 و 2 الفل والعادي طبعا الفل يترائى للقارء إن أنواع الرفاهية موجوده فيه ولكن الفل يعني صاجه رمل اماميه حديده يعني + مكان للسحب في الصدام الخلفي والتراك المهم انتو أخبر مني في الفروقات طبعاً ( وطبلونه 180 كم ) على فكره نفس طبلون الشاص القديم
في الأخير أقول الأف جي مافيه الا صوت الدبه والشكل الخارجي حلو غير كذا إسمحو لي :)
01-03-2011, 02:11 PM
المواضيع المتشابهه
العرض العادي
