اخواني بغيت انبهكم من معارض السيارات خاصة العوير لاني اسير هالمكان و شفت النصب
بحجة انه الوكاله تتأخر في تسليم السيارة .. العيب مب في الوكالة هاي سياسة المصنع محدد كمية سيارات لكل بلاد من زمان و تصبر كمن شهر احسن من دفع مبلغ زيادة للمعارض ...
سيارتي اللي طلبتها كايين اس 8 سلندر فل اوبشن ما عدا البنوراما و الرادار .. 350000 الف ..
حصلت بالعوير 6 سلندر ب 360000 الف !!! يقولي فل اوبشن و الجلد الداخلي استاندر ..!!!
احسن شيء تدخل موقع بورش العالمي و تصنع سيارتك بنفسك Porsche Centre Dubai - About Porsche - Home - Dr. Ing. h.c. F. Porsche AG
في اختيار تحت يسار Build Your Porsche .. اضغط عليها وتبدا من اللون و الرنجات لين توصل للمواصفات و كل ما تزيد يكتبلك السعر فوق ..
في الوكالة السيل مان ما يقصر وياك معاملتهم راقيه و يخبرك بكل صغيرة وكبيرة .. والسيارة اذا مدلعنها و حاط الموصفات المطلوبة ما عدا البنوراما و الرادار و الكماليات اللي مالها داعي مثل تلفزيون خلفي نظام سمعي حاد ..الخ بتطلع بحدود 350000 الف ..
وثانيا قولولي مبروك لاني حجزت بورش كايين اس وبتوصل شهر 11 موديل 2012 .. اللون اسود ومن الداخل لونين زعفراني رنجات 21 تيربو و قزوز سيستم + بوصلة.كاميرا خلفية.المراية مضللة. دواسات.ميموري سيت. الليتات زرق داخل.سيتات رقم 2 مريحة. خشب الجوانب و الاسترينقزطفاية حريق.خزان بترول 100 ليتر .. السعر وصل كامل 350 الف درهم .
وقبل لا اشتري استفسرت من صديقي عنده بورش 2008 لين اليوم يستعملها .. السيرفس كل 15 الف 900 درهم و خلال هالفترة بدل السافيف الجدام فقط باقل من 3000 درهم ومدح السيارة من ناحية الاداء و السواقه وطبعا انا مجرب سواقة 2011 وبالنسبه انك اتزيد الزيت قالي اذا تسوق درب طويل دائما واذا سواقتك مدينه ما يحتاج .. وفي الوكاله يخبرونك بهالشيء قبل لا تشتري وقالولي سهل بروحك تقدر اتزيد الزيت .. سألت الورشه عن السيرفس و قطع الغيار اسعارهم معقوله .. اللي يبا يشتري السيارة ما يسال ناس اشترو بورش مستعمل خربان وعقب تم يقارن الاسعار بكرولا او نيسان !!! يروح يسال الورشه اضمن ويتأكد بروحه .. ما اعرف ليش الناس تحب تنشر كلام ماله اساس و لا دليل بس مجرد تناقل اشاعات !! اغلب المنتديات كاتبين اسعار البورش غالي ؟ عندك فاتورة قطع الغيار اللي تقول عنها غاليه ؟ اشتريت السيارة ؟ كيف طريقة السواقه ؟ كم واحد يستعمل السيارة ؟ كل هالاشياء تأثر ..
عندي لكزس جي اس 6 سلندر .. اسوي السيرفس في الوكاله يطلع على مرات 2500 درهم و بدلت مره السفايف 2 قطعتين وصل فوق 2500 درهم .. الحينه اللكزس 570 وصل سعره 370 الف ..
انا سقت السيارتين البورش افضل و اريح وامتع بالسواقه وما بيفهم قصدي غير اللي جرب السيارتين .. والسبب الثالث الرنج و البي ام و اللكزس اشكالهم قديمة و العيون اتعودت عليها .. اخترت البورش 2012 لانه الشكل بيتغير بعد فترة طويلة ..في النهاية اشتر السيارة اللي ترتاح لها و مقنع انها اللي تناسبك و خذ المعلومات من المصدر لا للأشاعات .. وجهة نظر و حبيت اشاركم رايي و نصيحتي .. والسموحه :075::064:
07-10-2011, 01:01 PM
المواضيع المتشابهه
العرض العادي
