قصتي مع صيانة الـ 40 الف

قصتي مع صيانة الـ 40 الف

مساء الورد على أعضاء منتدانا الرائع :)
#
#
#
#
#
#
#
#
#
#
انا دائما متابع لكن هالمرة بطرح لكم تجربتي مع وكيلنا ابو جميل الي ما اقدر اوصفه صراحة قمة في التلاااعب والعشوائية والتخبط :SnipeR (1):

انا ما صينت بالوكالة الا صيانة الالف وال 5 آلاف :SnipeR (44):
لكن سمعت عن أهمية صيانة الأربعين الف فقررت إني أتهور وأروح أشوف وش الوضع هالكلام أمس الخميس

دقيت سلف على الساعة 7 الصبح وانا في قمة النشاط والحيوية ومريت دانكن دونت :SnipeR (23):
&lt***** بيحكي قصة حياته , المهم رحت لفرع الوكالة الي بطريق خريص - النسيم وقال مهندس الصيانة إنه تكلفتها 850 تقريبا , قلت له وش الي بتسوون بالسيارة قالي كلامهم المعهود والي مليت منه ( تغيير زيت وفلتر + تشييك عالسوائل + تشحييم وربط الجلنط + تربيط من الصدام للصدام + تبديل اماكن الكفرات بشكل X + تشييك مساعدات + تغيير فلتر هوء + تغيير فلتر مكيف + تنظيف البخاخات + .... الخ )

قلت له طيب وزيت وفلتر القير ؟؟ قال القير الاوتو تغييره مع الفلتر على 80 الف ولو كنت ادري انه ما بيتبدل كان ما رحت اصلا لكن قلت يالله مشي الحال , قلت له طيب والبواجي ؟؟ قال على 100 الف !! قلت اوكي

المهم تركت السيارة ورحت البيت ورجعت على 3 ونص العصر لقيت سيارتي رحت اشوف الفاتورة لقيتها 1355 :tinysmile_angry2_t: قلت لهم تأكدوا من هنا من هنا قالوا هذا المبلغ قلت وش سويتوا بالسيارة قالوا ارجع للمهندس الي استلم السيارة .. بعد انتظار 30 دقيقة شرف حضرته قلت له ليه 1355؟؟ قعد يحسون بالجهاز ربع ساعة شكيت بالموضع انه فيه نصب ,, قلت له خلصنا ياخي و سويتوا قالي نفس الكلام الأول تغيير فلتر مكيف وهواء وتشييك كامل ومن هالكلام الرخيص .. قلتله طيب مو كلامنا انها 850 ووعدتني انها تكون اقل ؟ ما عرف يجاوب عرفت ان الموضوع فيه إن ..
تركته ورحت لمدير الصيانة قعد يبربر علي وان هذا حق الصيانة قلت له بالحرف هالنصب ما يمشي معي واتفاقنا كان واضح لكن بعرف كيف اتفاهم معكم .. وتركته وطلعت طلع وراي وقال بسوي لك تخفيض الى 1300 قلت له مابي تخفيض قولي ليه رفعتو السعر ؟؟ وش سويتوا زيادة ؟ اقنعني وادفع ..

قالي تعال تفضل ادخل وسوا لي تخفيض 50 ريال :SnipeR (23): قلت له لا هالكلام مو مقنع وخلي السيارة عندك والله لاشتكي عليكم وبيننا المحكمة لان هذا نصب تعطوني اول بالصباح فاتورة بـ 850 والحين 1355 ؟؟ وبطلب تعويض على الليموزين الي باخذه الحين وعلى السيارة الي بستاجرها قالي السيارة ما بتاخذها ؟؟ قلت لا خلها تخيس عندك انا ما استلمت شيء واخذت فاتورة الصباح الي هي بـ 850 وفاتور العصر الي هي بـ 1355 واانا طالع لحقني المهندس الي استلم السيارة وقالي مممكن حضرتك بس تتفضل شوي تستريح بالاستراحة وجاب لي كوفي وموية وحركات :SnipeR (29):

وبعد 5 دقايق بس قالي ممكن تتفضل عند مدير الصيانة ؟؟ قلت له لا الكلام بيني وبينه انتهى !! شوي الا ويجيني المدير والمهندس واعطاني فاتورة الصيانة بمبلغ صراحة ما كنت اتوقعه !! انا كنت اتوقع بعد كل هالصراخ الي صار والصياح والمشاكل بيخفض لي الى 900 او احسن الاحوال الى المبلغ الي اتفقنا عليه 850 !! لكن كانت الصدمة ان المبلغ 700 ريال فقط لا غير :SnipeR (29)::SnipeR (29): :SnipeR (23)::SnipeR (23):

وانا صراحة ما كنت اتوقع انه هالصيانة باخذها بهالمبلغ لكن اكتشفت انك اذا سكت ورضيت بيمصون دمك واذا تكلمت وسويت لهم قلق بيرضونك

ولما استلمت السيارة صراحة تفاجأت .. سيارتي ولله الحمد ما فيها مشاكل استخدام نظيف وما اسرع فيها لكن صراحة والحق يقال انه تغيرت كثير الفرامل صارت اقوى بكثير الجلنط مرة مشدود وقوي جدا . غيروا المساحات . واحسن آدائها صار احسسن بكثير (( ما شاء الله ))

آآسف عالاطالة بس شفت مواضيع كثير عن هالصيانة وحبيت اقولكم تجربتي :SnipeR (87):

الموضوع الأصلي: قصتي مع صيانة الـ 40 الف || الكاتب: تويـوتا || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

rwjd lu wdhkm hgJ 40 hgt