قصتي مع الكفر ومسامير الأمان

قصتي مع الكفر ومسامير الأمان

السلام عليكم ورحمة الله وبركاته

كل عام وأنتم بخير ,,, والعشر مباركة عليكم

حاب أقولكم قصتي اليوم مع الكفر ومسامير الأمان

طبعا قبل فترة ركبت جنوط مقاس 17 سوموتومو ياباني ومقاس الكفرات 45/225

وعبيتهم نيتروجين من نفس المحل &lt*****< أنصحكم به صراحة هدوء وليونة وبارد ع الكفر

المهم اليوم وأنا ماشي دخل مسمار طوله تقريبا أصبع الساعة 11,30ص

كنت توني طالع من الاختبار ودايخ فقلت خله للعصر اصلحه

لما جيت العصر لقيت الكفر منسم للأخير وقلت مالي ألا يدي

رفعت السيارة وبديت بفك المسامير وانفكت بالطقاق ما عدا مسمار الأمان

حاولت فيه يمين يسار بس ماش ما وده يطلع

حاولت بكل الطرق أنا والوالد ونفس الشي الى أذان المغرب

بعد الصلاة رحت لبنشري يمني ونتفني بسعر قلت أمشي عليه ويتقطع الكفر وأخذ لي جديد أبرك

رحت لواحد باكستاني معامله أنا والوالد من 17 سنة أما أنا من 5 سنوات :SnipeR (23):

فقالي مرني بعد صلاة العشاء ومريته بعد الصلاة ورحنا البيت ويفكلي المسمار جزاه الله خير

ويركب لي الاستبنة ورحنا أنا وأياه ورقع لي الكفر رقعتين وما قصر معي وأخذ 50 ريال

والحمد لله خلصت معاناة كفر من بعد صلاة العصر وحتى الساعة 10 بالليل خلصت

أنا أدري أني طولت عليكم ولكن هناك شوية نصايح أرجو أنكم تاخذون بها قبل ما يصر لكم مثلي

1- اذا غيرت أو ركبت كفر خل العامل يربط المسامير بيده مو بالمسدس.
2- اذا ناوي تركب مسمار للأمان فركب من وكالة تويوتا تبع الاف جي واحتفظ بالمفتاح.
3- وأهم شي لا تؤجل عمل اليوم إلى الغد يعني اذا شفت اي شي صلحه ع طول

وأخيرا أرجو منكم الدعاء لي بالتوفيق باختباري بالغد

وانتظرو مواضيعي الحصرية والقوية لمنتديات تويوتا العربية عامة ولقسم الكرولا خاصة

وشكرا لكم وفي أمان الله

الموضوع الأصلي: قصتي مع الكفر ومسامير الأمان || الكاتب: تويـوتا || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

rwjd lu hg;tv ,lshldv hgHlhk