اسبرانزا تيجو - مميزات و عيوب

اسبرانزا تيجو - مميزات و عيوب

السلام عليكم اخوانى

فى الفترة الأخيرة حصل كلام كتر أوى عن الاسبرانزا تيجو مابين مؤيد و معارض بس غالبا اللى بيتكلم عنها بالسلب مش ببيكون عن تجربة أو ممكن برده يكون عن تجربة و حصلت معاه مشكلة ولو مشكلة بسيطة تبقى العربية كلها وحشة يعنى بمجرد انه لاحظ اى عيب و لو بسيط تبقى خلاص زى اى حاجة صينى قليلة الجودة مثلا زى ان الباب مش بيتقفل على طول من أول مرة تبقى العربية كلها وحشة, يقولك ياعم انت منتظر ايه من عربية صينى دى صييييييييييييييينىptmnlo123per111
مع ان فيه عربيات تانية يابانى أو ألمانى وموجودة من زمان فى السوق و الناس بتجيبها رغم انهم ممكن يكون عارفين ان فيها عيوب و سعرها كتير عليها, زى التويوتا الياريس مثلا على حسب تجارب مستخدميها بيقولو ان ثباتها ضعيف و اكصدامتها عاملة زى الكرتون و من اقل خبطة ممكن تتقسم نصين او حتى التويوتا الكورولا بيقولك ان فيها عيب فى الفتيس والاتتين فيهم عيب فى الدهان بس يقولك ياعم دى مهما كان يابانى ياباااااااااااااااااااانى:HAPPY_~211:
على فكرة العربية بتنتج فى الصين من سنة 2005 و تباع فى الصين و شرق اوربا و روسيا باسم شيرى تيجو و طرحت فى ايطاليا باسم dr5 و أبو الفتوح منزلها السوق المصرى سنة 2008 باسم اسبرانزا تيجو
الحمد لله العربية معايا من حوالى 4 شهور
عايز اقولكو ان لو ماكانش معروف للناس انها انتجت فى الصين مستحيل تباع بالسعر دة على الاقل حتتباع ازيد من ثمنها اللى بتباع عليه اللواقتى ب50 أو 60 ألف جنيه و يمكن اكتر كمان (فيه ناس شافوها اول مجبتها ميعرفوش اوى فى ماركات العربيات افتكروها ب 250 ألف جنيهptmnlo123per154)المشكلةان الناس اما بتسمع كلمة صينى تقولك على طول فيه حد يجيب حاجة صينىptmnlo123per172

المهم العربية زيها زى اى عربية تانية فيها مميزات و عيوب ممكن نلخصها فى الأتى
المميزات اللى شفتها الى حد الأن :
1- ارتفاعها عن الارض ممتاز و دة اكتر ماميميز العربية و مناسبة جدا لشوارعنا
2- السحب برده كويس جدا جدا بالرغم انها 1600 سي سي(ملاحظة ان التيريوس مثلا 1500 سي سي)
3-صاجها قوى يعنى امتن مثلا من التيريوس و من عربيات يابانى و كورى كتير
4-كماليات ممتازة
5- بالنسبة للتكييف هو كويس جدا جدا بالذات باليل , الصبح لو العربية واقفة فى الشمس مدة طويلة بياخد وقت شوية عقبال اما يسقع بس كل اللى فى العربية حيحسو بيه و بيقى زى الفل
6- من أكتر مايميز العربية الثبات بتاعها مع انها عالية بس يمكن اللى بيديها الثبات دة انها عريضة لان فيه مثلا عربيات عالية زى التيريوس أو الشيروكى الليبرتى الثبات بتاعها ضايع( ودة من كلام ملاكها يعنى مش بقول اى كلام من دماغى)
7- الموتور صوتوه هادى جدا يكاد ممكن متسمعوش لو انت واقف و العربية دايره
8-العفشة ممتازة ولاهى ناشفة ولا هى ناعمة, بالنسبا لى برده ماقدرش احكم على قوة تحملها فى الوقت الحالى بس شفت الفيديو دة على اليوتيوب للتيجو 4x4

حاجة زى الفل :clapW15:
9- ممكن تتحكم فى وسع الصالون أو الشنطة لان الكراسي اللى ورا بتطلع لقدام و ترجع لورة وحتى اما بترجع الكراسي لورة خالص بتقى مساحة الشنطة واسعة برده
10-فيها أماكن تخزين كتير داخلية و برده فيها قضبان فوق السقف لوضع شنط أو اى احتياجات أخرى
العيوب اللى شفتها اللى حد الان :
1- الابواب مش بتتأفل على طول يعنى لازم ترزعها بس اما روحت التوكيل ظبتتولى 3 أبواب و فيه باب واحد متظبطش كويس (بس اعتقد ان دة مش عيب قوى يعنى لان زى اى عربية فيه لمبة التابلوه بتقولك ان فيه باب مفتوح)
2- خامات التابلوه و الابواب داخلية متوسطة الجودة يعنى تقريبا زى العربيات الكورى شوية يعنى احسن من السيراتو مثلا بس مش أحسن من الكروز
3- مركز الصيانة اللى روحته فى الاسماعلية فى صيانة الالف مش اد كدة اوى يعنى تحس ان الصنايعية اللى هناك معندهمش خبرة و تحس كدة ان مفيش اهتمام اوى بالعميل بس أعتقد ان اللى فى القاهرة حيكون أفضل يعنى مثلا كان فيه لمبة الدينامو بترعش قالولى ان الكهربائي مش موجود علشان يبص عليها فعملتهاش لحد اللواقتى مستنى اما اروح اى مركز صيانة تانى
4- التقفيل متوسط الجودة (يعنى مثلا اللى بتنزل فى ايطاليا باسم dr5 تقفيلها شكلو ممتاز جدا أكيد مش تقفيل زى أبو الفتوح, أول ماجبتها اتلاقيت الجلدة اللى تحت المساحات مفكوكة و لزقتها بأمير)
5- استهلاك البنزين عالى شوية اما تمشي بيها جوة البلد يعنى 20 لتر ممكن يعملو حوالى 150/160 كيلو تقريبا و ساعات كمان 140 كيلو بس على السفر استهلاكها كويس
6- غطاء الاستبن اول حاجة بتتخبط من ورة مش الاكصدام لانه بارز عنه علشان كدة لازم تخلى بالك و وانت بتركن علشان ميتجرحش

عايز اضيف حاجة ان معظم الناس هنا فى بورسعيد مش بيركبوا أى عربيات يعنى مثلا مش بيقتنعو الا باليابانى أو الالمانى(بالذات الهوندا أو الفولكس بجميع موديلاته بالذات الجولف) ومش بيقتنعوا باى عربية متقفلة فى مصر حتى لو مرسيدسptmnlo123per1115 بس العربية بدأت تعمل شغل جامد أوى فى بورسعيد و ناس كتير جابتها

وبرده علشان الكلام يكون مظبوط انا بتكلم على الفترة اللى جربت فيها العربية من يوم ماستلمتها يعنى مش حنقدر نقول التقييم الفعلى 100% الا بعد تجربة العربية لاكتر من 3 سنين على اللأقل ,,,

و أخيرا من خلال تجربتى للعربية من اول ماجبتها لحد اللواقتى فانها تعتبر صفقة ممتازة بالنسبة لسعرها.

الموضوع الأصلي: اسبرانزا تيجو - مميزات و عيوب || الكاتب: twilight || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

hsfvhk.h jd[, - lld.hj , ud,f

كلامك جميل جدا
انا محتار جدا جدا اشترى التيجو و لا لأ
بس المشكلة انى خايف من الصينى
و يمكن عشان العربية لسة جديدة فاكيد هتكون كويسة لكن ممكن تظهر مشاكلها بعد كده بالاكوام و الواحد يلوم نفسه على انه جابها و اخد المخاطرة بدون حساب
طبعا الجديد جديد و ده اللى مخلى معظم الناس اللى معاها تيجو بتقول عليها تمام
لكن انا محتار بجد اجيبها و اتوكل على الله و لا استنى
و ايه الفرق بين 4x4 و 4x2
و هل 4x4 فيه منها اوتوماتيك
انا سمعت كمان ان فيه منها فتيس استربتونيك فهل ده كويس و لا بيبوظ على طول
لو ممكن تكلمنى اعرف منك اكتر على 0122991336
ارجو الافاده من فضلك خاصة انى من بورسعيد برضه و عايز اركب عربية مختلفة

موضوع رائع مشكوووووووووو ر فى انتظااار جديدك......

موضوع هام اخى
سلمت يمينك

اقف اجلالا واحتراما وتوقيرا لكلماتكِ الراقية

حروفكِ عندما تصافـح شرفـات البـوح ...

تتـسـاقـط ابــداعـا وشــهــدا..

وتتغنى السطور كشدو عصافير ..

دمتِ بصحة وسعاده

يعطيك الف الف عافيه

موضوع رااائع

وجهود أروع

ننتظر مزيدكم

بشوووق

يوتيوب رائع تسلم ايدك

أسلوب رقيق ورائع وشفاف ومعبر باعلى درجة
.....انني لاأمل عندما الج موضوعك واتصفحه بشغف كبير
وأعيش بين أحضان كلماته..
عبرت عن مشاعر الكثير بكل رقة..
تحية قلبية من الاعماق ابعثها لك..

أسلوب رقيق ورائع وشفاف ومعبر باعلى درجة
.....انني لاأمل عندما الج موضوعك واتصفحه بشغف كبير
وأعيش بين أحضان كلماته..
عبرت عن مشاعر الكثير بكل رقة..
تحية قلبية من الاعماق ابعثها لك..