300.000 و للعـطـاء بقيـة,, تجربتي الخفيفه مع عشقي اكوردتـي

300.000 و للعـطـاء بقيـة,, تجربتي الخفيفه مع عشقي اكوردتـي

<div><b><font size="3"><font face="Tahoma">بسم الله وعلى بركة الله

انطلاقا من موضوع اخوي اكورداوي وتجربة الـ200.000
احببت ان اضيف لهذا المنتدى الذي اضاف لي الشي الكثير موضوعـي الخاص عن تجربتي لهوندا اكورد 2005
300.000
واتمنى ان تستمعوا برحلاتي مع الأكورد
,,,
في بداية الموضوع وعلى نسق اخوي خالد اكورداوي ,,
احب اقول لكم إني اول شي طفشت من العاميـه وانا مسوي فيهاا فصحى فووق
كيف شريت السيآآره؟
سؤال جميل
شريت السيااره في اليوم إلي شريتهاا فيه
إلي اعجبني بالسيااره ممشااهاا القليل 44 الف وحنا بـ2008
شي طيب ,,توكلت على الله وشريتها ,
سياستي ,,, القوه والجوده هي اهم شي بالسياره والجوهر هو المهم ولامانع من الشكل يكون حلو والرساوه إلي تقارن بالبورش والألماني بشكل عام ,,
وهذي اول صوره للعداد

كنت راح اشتري سوناتا بس قلبي ماطاوعني
وكل واحد وقناعته
انا ما اقول السوناتا فيها شي انا اقول لك قناعات وليس تقليل من شركة هونداي ولا هم يحزنون المسأله قناعات
المهم وصلت السياره عند البيت
بديت اتمقل فيهاا زين ,,واطلع عيوبهاا
كنت اتأمل طبلونهاا واتصور جمبه
اتوقع ذااك اليوم خذيته الف صوره خخخخ
المهم بارك الله لي في السياره وعاشت معي
تخللتهاا رفعة ضغط بسبب المشاكل الصغيره إلي ماكنت اعرف حلها قبل اعرف هالمنتدى
إلا انهاا خدمت في كل الظروف والله على ما اقول شهيد
وسافرت بها في درجات حرارة عاليه وعلى سرعات عاليه ,, وعلى ممشى زيت يتجاوز الـ5000 كيلو بالرااااحه
وضرب علي الكفر وانا ماشي 190 ولاحسيت بصعوبه في التحكم بالسياره ولله الحمد والمنه
وصلت السياره 100 الف وانا ماكنت اعرف نادي محبي هوندا
مشيت مسافه بالسياره مايقارب 60 الف ,,
ماكنت اغير لها إلا الزيت والبواجي ,,
بعد ماتعرفت على النادي ,,
استمريت على السياره اكرفهاا مدة طويله
وماعمري دخلت الوكاله إلا مره وحده يوم قالوا لي إنها فيها عيب مصنعي
لأني عرفت حقيقة الوكاله بعد الفحص المجاني إلي قامو به في حركه منهم لإصطياد اكبر قدر من الناس إلي يخافون على سيارتهم
لم اغير سير المكينه ولا فلتر البنزين اول مره إلا على حدود الـ200000

ابداا معكم اولا رحلة الصيانة والتي كانت اقل المواجهات للسياره ,,بس كانت مزعجه في الأسعاار فقط بعدها تعرفت على محل قطع غيار النعماني إلي عرفته ايضا عن طريق نادي محبي هوندا
السياره لم تواجه اعطال كارثيه او اعطال غريبه من نوعهاا
اولا على الـ 140 الف تم تغير كراسي المكينه بعد الرجه على الـD او بعد السرعات العاليه 160 وفوق
عند دخول السياره الـ200.000 كان فيه تهريب من صرة الزيت
استغربت إنهم قالوا لازم يرفعون المكينه من السياره ...
انا خلاص ضاعت علومي قلت كيف تشل المكينه عشان فيه تهريب من تحت؟
يقول لي إن الكارتير مثبت تحت المكينه
شلو المكينه من السياره وكأنهم انتشلوا قلبي معها :
عدت للسياره بعد خمسة ايام وجدتها بحالة يرثي لها ,,قابعتن في الورشه هناااك ,,,غطى الغبار شمعاتها,, و اثار ايادي العاملين على جسدها من كل مكاان ,,
تلطخت بالسواد ,,احسست بها وهربت بها مسرعا خارج الورشه
غسلتها ونفضت عنهاا غبار الذكرى السئيه التي قضتها بالورشه
كانت خمسة أيام عصيبـه علي وعليها والحمدلله الذي رجعها لي سليمه بعد ما عبثت بها ايادي الفنيين ولكن للظروف احكـام ض1
ومن بعدها لم اشتكي من السياره وسأوجز لكم بإختصار اعمال الأعطال والصيانه العامه
-دريشة السواق الموتور خرب وعلق علي
الحل استبداله بواحد تجاري تايواني
بـ200 ريال عن الأصلي بـ1110 ريال ,,!
يمشي الحال وكمل معااي حدود السنه وبدا يعلق بعض الأحيان بس اخليه لين يبرد الموتور وترجع الأمور تمام
- الرمانات بلي الأماميه
تعرف خرابهاا
من صوت يطلع تتوقع إنه من المكينه وهو من الكفر
حط السياره في الفاضي والسيااره تمشي 40 إذا سمعت الصوت معناته من الرمانات
الحل غير الإستبنـه,,,!
الحل اكيد إنك تغير الرمانات بعد
وهذي صورة لما فكو الرماان من الهووب


2-المقص اليمين
غيرته من زمااان ما اذكر متى,, السبب صوت طقطقه غريبه
3- جلد المقصات غيرتها مرتين
ما ادري احس طولت ماغيرتهاا للحين بس لما اشيك عليها يقول لي مايحتاج تغيير وسليمه
4- اصلاح مع اللي حق الدركسون وقضيت على مشكلة الدركسون ,, مع مراقبة نقصان الزيت وتعبئته بزيت تجاري ولا انصح به ولكن للظروف أحكام أيضا خخ
5- خرط الهوبات وتغير الفحمات
ارتحت لما غيرت الهوبات الأماميه وركبت فحمات نيشن من سالفة انعدام الهوب بسرعه او نهاية عمر الفحمات
السياره بتوصل الـ90 الف والبريكات بحالة جيده جدا من ركبت فحمات نيشن ,,
6- تنظيف الثروتل بدي بين فتره وفتره
7-تغير السنتر لوك لباب الراكب اليمين بواحد تايواني بـ70 ريال وللحين تمام ,,الأصلي بـ300 ريال
وبالنسبه لموية الرديتر بعد 290 الف قطعتها السياره كنت اعبي طول هالمده مويه حلوه من عند الباب والأمور ماشيه تمام ياربي لك الحمد
لكن في الفتره الأخيره فضيت المويه من الرديتر واستبدلتها بموية حمراء من باب التغيير
اللمبات الداخليه قليلة الخرابات إذا شفت ان اللمبات قامت تخرب
قلل على الإضاءه الطبلون وخل النور إلي فوق يكون طافي إذا فتحت الأبواب,,,, هذا بيزيد من عمر اللمبات الداخليه
,,
لا تقاوم بالسياره دام الأمر مايتطلب ذلك ولا تدعس فيها وتقومها بطريقه رياضيه مالها لزووم
من بعد 200 الف بديت اغير الأشياء الإستهلاكيه بإنتظام والسياره تتحمل حتى 100 الف بالنسبه لفلتر البنزين بس راح تشوف العزم يضعف
بالنسبه السياره خذيتهاا سياحي وقد ماقدرت إني اغير من شكلها الخارجي

بداية من رش الزعانف بنفس لون السياره
وتغير جنوط السياره من 15 إلى جنوط 16 بكفرات دنلوب ولن انسى ايام هذه الكفرات ,, كنت ادخلها منعطفات على 150
وانا اطبل على الدركسون من الثقه بالكفراات ورساوة الأكورد ;)

طبيعـة سواقي مزاجيه بكل ماتحمله الكلمة من معنـى ,,! يعني مره رايق تشوفني نظاامي
مره معصب تشووف انوااع المشااكل على الطريق خخخ
وانا توني شاريهاا

وهي على وشك الدخول بـال300 الف

ومع ذلك ماشفت أي خراب ناتج عن سواقتـي ,, مطباات ,,واتذكر طحت بشارع محفور وفي نهايته الشارع القديم طبعاا صاير زي الرصيف آخره
ضربته بقوه وعلى سرعه
شيكت على السياره وسوست يومين ونسيته وماشفت شي من الضربه والفضل يعود لله طبعاا
كل الخرابات كانت طبيعيه جدا ونتجيه اخطاء مصنعيه خارجه عن ارادة وطبيعة السياره ,,
الحــوادث
الله يكفيكم شرها
الحوادث نوعين
حادث احد يبتيلك
وحادث انت تبتلي نفسك وتبتلي الطرف الثاني
1-
عانيت من بوية السياره والحمدلله على كل حال ,,
طبعا انا المتسبب الأول والأخير في هذه السالفـه

الموضوع الأصلي: 300.000 و للعـطـاء بقيـة,, تجربتي الخفيفه مع عشقي اكوردتـي || الكاتب: هوندا || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

300>000 , gguJ'Jhx frdJm<< j[vfjd hgotdti lu uard h;,v]jJd