تقريري عن المفخره الديزل (مواصفات واسعار) و مقارنه بين 4.5 ديزل و 5.7 بترول

تقريري عن المفخره الديزل (مواصفات واسعار) و مقارنه بين 4.5 ديزل و 5.7 بترول

السياره فوق الممتازه بس افضل انك تاخذ الاوتوماتيك لانه اريح للموتر يجي 6 سرعات والعادي 5 سرعات و اقتصادي للغايه فل تانك يمشيك 1100-1400 كيلو
الماكينه جباره ( 200كلم دورات الماكينه اقل من 3000) القومه ممتازه لانه توين تيربو
يجيب ال 100 في 8.1 والموتر شد بلد
السرعه القصوى 210 كلم ميزه اضافيه انه الموتر العزل فيه سوبر ولا تسمع اي صوت للماكينه
او الهواء :داخل السياره


التيربو

التيربو اللي في السياره ( بالحقيقه اثنين تيربو ) شد بلد يعني عليه ضمان لمده 6 سنوات والموتر مصصم بهذه الطريقه من بلده فلا خوف من الخرابات ....... بس اذا اتوكلت واستخرت ونويت عالموتر اهم شيء يوم تجي توقف السياره وانتا كنت ضاغط السياره خل الماكينه تقسم بس دقيقتين وطف السياره بعدها
اما القياده العاديه داخل المدينه ما يحتاج ..........كذا تحافظ على التيربو تمام

دخان الديزل !

الموتر الله يسلمكم ما يطلع اي دخان للحين ( ماشي حدود 55 الف) ونظام التيربو الموجود يعطي المحرك احتراق فل الفل داخل الماكينه بالتالي الغالبيه من الوقود تكون احترقت داخل الماكينه و هذا يقلل او يعدم الدخان الاسود المشهور به محركات الديزل
هذا المحرك ماخذ جوائز من حمايه البيئه لان الخرج منه اقل من المعدلات المسموح بها (هيئه المواصفات والمقاييس الاوروبيه )


الانواع والمواصفات (مرفق صوره بالتفاصيل)

الديزل يجي في بهوان ثلاث انواع وكلها نفس المحرك 4500 سي سي توين تيربو ديزل
الاستاندر ( للشركات اكثر شي) ويجي اوتو وعادي وقيمته 16.000 ريال عماني ومتوفر بنفس اليوم الاستلام

جي اكس ار نص فل وهو نفس مواصفات الفل ولكن بدون زينون امامي و بدون مكيف خلفي يعني نفس النص فل اللي لدي ابو جميل ( خطوط وتواير عريضه) القيمه 17800 ريال عماني وايضا متوفر (الوان غير الابيض واللؤلؤي والاسود تحتاج طلبيه لمده اسبوعين

جي اكس ار فل كامل ( زي موتري ولله الحمد) جميع المواصفات بدون شاشه وبدون ونش وبدون فتحه ( للاسف جميع وارد بهوان لهذه الفئه ياتي بدون فتحه ) وباقي المواصفات كامله ( اصطبات مضاءه - دف لوك - مكيفين - تخشيب - زينون عالي - شنب امامي ولحيه - سبير علاق - ولكن السعر 19800 ريال عماني بس الموتر صناعه يابانيه ميه بالميه ووارد بهوان معروف

اختبار الاداء بين محرك الديزل ومحرك 5.7 بترول

مقارنه 4.5 الديزل مع ال 5.7 الجديد عندنا هنا ( 360 حصان ) وتجد الاداء متقارب جدا بالنسبه للقومه والتسارع اما التورك او العزم فالتفوق للديزل ( يصل العزم الى 650 ) ومقدره سحب وجر اكبر من ال 5.7

الموضوع الأصلي: تقريري عن المفخره الديزل (مواصفات واسعار) و مقارنه بين 4.5 ديزل و 5.7 بترول || الكاتب: تويـوتا || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

jrvdvd uk hgltovi hg]d.g (l,hwthj ,hsuhv) , lrhvki fdk 4>5 ]d.g 5>7 fjv,g