مساعده مشكله السياره تقطع بعد تصليحها

مساعده مشكله السياره تقطع بعد تصليحها

السلام عليكم

اخواني انا عندي هايلكس موديل 2006 ماشي 192 الف وكسور

في الفتره الأخيره قمت احس ان الموتر مكتوم ودعسته ماهي زي اول

المهم توجهت لأحد افضل الورشات عندنا وسألت المكانيكي قالي سو تصفية مكينه يعني غير البواجي وفلتر الهوا وفلتر البنزين

ورحت مكانيكي ثاني وقالي نفس الكلام

المهم توجهت الوكاله وسعرت القطع : البواجي طلعت 55 ريال للـ4 قطع وفلتر البنزين بـ 150 ريال وفلتر الهواء 120 ريال والتركيب عن احد الورشات ما يتعدى الـ 80 ريال

المهم بعد التركيب حسيت بفرق في الدعسه بس طلعت مشكله ثانيه الي هي تقطيع في الدعسه

الموتر يقطع في الدعسه وانا واقف احس ان الموتر بيطفي بس ما يطفي

رجعت للمكنيكي الي ركبها قالي ما ادري وش السبب ويقول هذي من اختصاص الكهربائي

رحت للكهربائي قالي غير البطاريه قلت له البطاريه جديده مالها شهرين قال اجل افصلها بالليل ولا جاء الصباح ركبها وادعس على الموتر ويزين

المهم سويت الي قاله بس ما صار شي نفس المشكله

رحت لكهربائي ثاني وقالي بسويلك تنظيف للبواجي والمظم حق البنزين وان شاء الله بيزين

المهم سواها لي وبعدها شغلت السياره وحسيت ان التقطيع خف

وبعدها رجعت للبيت واليوم الثاني اشغل السياره وامشي طلع تقطيع فيها اكثر من اول

اول كان يقطع اذا دعست بالثالث والحين في كل النمر وصار فيه تنتيع موب صاحي الناس يشوفوني في الشارع وينقدون علي يحسبوني استهبل:tinysmile_cry_t3::SnipeR (55):

المهم رجعت له وقلت شف المشكله وقالي ان المشكله في طرمبة البنزين رح اشتر طرمبه وجبها اركبها

هل كلامه صحيح؟ من الطرمبه؟

ياناس احس ان هالعمال يبون ياكلون دراهمي

وسعر الطرمبه 750 ريال عند الوكاله

الى الحين متخسر حدود 650 ريال

وش الحل ؟
واسف على الأطاله

الموضوع الأصلي: مساعده مشكله السياره تقطع بعد تصليحها || الكاتب: تويـوتا || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

lshu]i la;gi hgsdhvi jr'u fu] jwgdpih