تذكرون الموضوع اللي قبل اسبوعين يمكن اللي كان بأختصار .......
(دخلت سيارتي الوكاله ولما طلعتها ووقفت بالبيت , لقيت فيها دقه بالشنطه من الوكاله وسافرت ولما رجعت لكم القصه)
اول شي لما رجعت من جده رحت الوكاله يوم السبت , دخلت عند المهندس وقالي للاسف انا لا استطيع خدمتك , لانك مجرد انك استلمت السياره الوكاله تخلي مسؤوليتها , قلت طيب مع السلامه ...................
واروح وادخل عند مدير الصيانه مهندس الضاهر باكستاني , واخش بعينه قلت انتو تصلحو السياره ولا تصدمو قال لا لا لا كيف تسأل السؤال هذا , نحنا اكيد وكاله ونزين كل السيارات , واقوله سالفتي , قال بس انت طلعت من الوكاله ايش يثبت ان الوكاله هم اللي صدمو فيها , والله وابدى اهاوش وارفع صوتي شوي قالي روح مكتب رقم 8 وشوف كم تكلفك ,بعدين روح لمكتب مدير العلاقات , واروح لمكتب رقم 8 وشافها قال تكلفك 1500 ريال , قال الشنطه كلها يبيلها رش كامل (صراحة حرام ارش كل الشنطه , انا كان ودي اعدلها بدون رش) المهم واروح ادور مدير العلاقات مالقيته , قلت خلاص اجيهم يوم ثاني , بعدها بيومين كلموني من جده حقين الاستفتاء قالو كيف الشغل قلت زفت لانهم صدمو بسيارتي , قالو الحين نرفع شكوى ورفعوها , بعدها بيوم كلمني مدير العلاقات بالشركه وقلت له القصه قال الحين برسل ايميل لمدير الصيانه , ويدق علي بعدها بيوم مدير الصيانه وقال وش قصتك وعلمته وقلت انا اللي جيتك اول , قال والله والله ماني فاكر حاجه , قالي تعال يوم السبت , رحت السبت للوكاله اللي هو امس ووقع على الورقه وقال يالله دخلها الحين , وجلست احاول فيه وبمدير العلاقات انهم يعوضوني الـــ1500 وامشي , قالو لا كاش ممنوع , قلت انا ماودي ارش كل الشنطه , قالو تبي نزينها او نعوضك بصيانه , فأخترت صيانه قالو خلاص نسوي لك صيانة الــ 95 الف قلت خلاص موافق بس بشرط انكم تغيرو صفاية البنزين اللي المفروض اغيرها بصيانة الــ 80 او 85 قال مدير الصيانه مافي مشكله .....................
وبهذا تكون قصيتي مع عباللطيف جميل .... اسف على الاطاله
10-31-2010, 06:11 PM
المواضيع المتشابهه
العرض العادي
