مساعده يالربع .. فزعتكم في V8 - Gxr 2011 .. وارد البازعي

مساعده يالربع .. فزعتكم في V8 - Gxr 2011 .. وارد البازعي

السلام عليكم ورحمة الله وبركاته

الله لايهينكم أبي فزعتكم في الشور والنصيحة
(( لاني والله استخرت ونويت .. Gxr 2011 الستيني ))

جميع الصور بالموضوع من موضوع اخونا موافي .. الله يذكره بالخير
(( مواصفات جديدة في gxr 2011 ))
http://www.toyota4arab.com/forum/t157454.html

حتى تسهل للجميع ما أصل إليه

ولفيت السوق وما عجبني الا وارد البازعي بسبب

1- اللون الؤلؤي .. غير بصراحة .. لمعته روعة ويتخلف عن السعودي
2- الونش ... احب الشي جاي شد بلد حتى لو ما استخدمته
3- الخطوط .. (( عاجبتني حقت الفيكسار والجي اكس ار وارد البازعي .. وكذلك خطوط 2010 للفيكسار بريمي ))
4- شاشة الملاحة (( صحيح انة تركيب .. بس افضل من شاشة عبدالطيف بدون نفقيشين )) مع كرت ميموي وفتحة اي بوت ويو اس بي وعربي وفيها خرايط افضل .
5- مسكات الابواب والمرايا نيكل والشبك نيكل كامل + زيق نيكل على الاستطب الخلفي .
6- شاشة DVD (( تلاحظ انها شد بلد من حفر اسم تويوتا عليها )) لو انها تركيب .
7- مرتبه السائق كهربائيه + ازار التحكم بالدريكسون .
8- التخشيب الكامل للسيارة .. عكس الموردين الاخرين .
9- والاهم تغيرت المكينة وزادت عن الموديلات السابقة وصارت 4800 .
10- الضمان والصيانة وتوفر قطع الغيار لدى البازعي .. يعني لو شريت من الخليج مايطلع كلام ويقولك مانقبلة وتقعد تترجاهم ولا تدفع رسوم اضافية على الصيانة
(( وانا اشوفه نقطة حساسة شوي )).

11- ماعندي خلفية او فكرة عنه (( التشغيل عن بعد والريموت وفتح الأبواب لانها غابت عني وانا اسئل ))

المشكلة (( ما ادري اي وكيل بالخليج يجيب ها المواصفات ))

انا اشك في كانو حق البحرين او شبه متاكد

وسعر GXR V8 2011 وارد البازعي 238 الف ريال سعودي
واشوف السعر عالي جداً من اي وكيل بالخليج

البريمي لقيتة 208 الف ريال وناقص اشياء كثيرة
السعودي 197 الى 210 الف ريال .. وتنتظر لان الوكيل يقطر بالبيع لارفع السعر وناقصة ها المواصفات الي ذكرتها
اليحيى .. لسا بيجيبها قبل العيد GXR V8 2011 وشفت عنده فيكسار مثل حق قطر

وانا قارنته بين *** GXR V8 2011 و VXR 2010 فل ابشن ***

# المكينة تغيرت من 4700 الى 4800 لصالح الجكسار

# شاشة الملاحة لصالح الفكسار
((عدم تعريبها ومشاكلها مع المكيف في البرمجة )) فيه طريقة لاخونا بدر المانع بس ماتابعتها

# الونش لصالح الجكسار

# الجلد بس مشكلة عدم وجود تدفئه وتبريد له واحنا بالسعودية اشوفها صعبة جداً (( عكس السيارات الامريكية تدفئه وتبريد للمراتب ))

والسعر بريمي VXR فل ابشن جلد 250 الف ، 215الف مخمل استبنه خلفية
VXR عبدالطيف جميل 225 الف ريال وشبة نادر بالسوق.
VXR وارد البازعي 265 الف ريال 255 الف بدون تشغيل عن بعد

عاد نبي مشورتكم الطيبه لاني تعبت وانا ابحث وأقارن بين الانواع وكل ما تأخرت اشوف الاسعار تترتفع وفلوسي تنقص .. ومدري الى متى انتظر
والله يعطيكم الف عافية

أخوكم وانيت .. وان شاء الله اذا كتب لي بصير لاندكروزر

الموضوع الأصلي: مساعده يالربع .. فزعتكم في V8 - Gxr 2011 .. وارد البازعي || الكاتب: تويـوتا || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

lshu]i dhgvfu >> t.uj;l td V8 - Gxr 2011 ,hv] hgfh.ud