كثرت الاستفسارات عن زيت القير وعن مشكلة عمود الدركسون اللي تواجه
اكثر اصحاب الكوامري من 2007 وطالع وبصراااحه فكرة في الموضوع اكثر من مره اني اغيره
لكن قلت خله اليين يحيين وقت تغير زيت القير واغير كل شي المهم مالكم في الطويله
موتري ولله الحمد ماشي 90 الف وباقي 7 ايام ورينتهي الضمان واروح للوكاله واقولهم بغير زيت القير قالوا لي 700 وتم تغييره ولله الحمد من بكره نزلت تحت السياره واشوف
الزيت منقط !! :SnipeR (11):
واصبح عليهم واقولهم السالفه صار التنقيط من الصوفه ركبوا له وجه وضبطت الامور وقالي على فكره سيارتك باقي لها 7 ايام وينتهي الضمان انا توقعت انه منتهي قلت اجل فرصه غيروا لي مساعد الكبوت لانه مهرب زيت واذا فتحت الكبوت لازم عصى :SnipeR (55):
قالوا خلاص لازم طلبيه المهم طلبوه ودقوا علي دخلت الموتر واشوفهم فكوا الجنوط وارووح علطوول للمهندس قلت سلاماات ليه فاكين الجنوط انا اللي عندي مساعد الكبوت مهوب مساعد الكفرات قال نبي نفحص موترك من الصدام للصدام واي شي تالف نبي نغيره على الضمان دام موترك يبي ينتهي ضمانه بعد 7 ايام قلت اوك ويفحصه طلع عندي المساعد الخلفي على اليمين خربان غيره جديد وكاله على الضمان وايضاً مساعدات للكبوت جديده طقم غيروا عمود الدركسون والموتر ما شاء الله احس انه جديد بعيد عن الطقطقه اللي كرهتني بالموتر من عمود الدركسوون .
المهم ما اطول عليكم حبيت اقولكم اللي موتره باقي تحت الضمان يستفيد منه
يرووح للوكاله وينفظه من الصدام للصدام على حساب الوكاله
12-23-2010, 09:45 AM
المواضيع المتشابهه
العرض الشجري
