رايكم بال c63

[التاجر الاماراتى]

رايكم بال c63

السلام عليكم ورحمة الله وبركاته

اولا حبيت اهنى جميع الاعضاء والمراقبين والادارة بمناسبة قرب دخولنا للسنه اليديده وعساها سنة خير والله يبارك للجميع بها ويفتح عليهم من خيره وبركاته ....

اعزائي حبيت استفسر من هل الخبره والتجربه عن ال C63 لانه هالسياره دوم اشوفها في الشوارع وتلفت نظريه وخاصة انها اربع ركاب يعني وقت الحايه ممكن تركب عندك اكثر من واحد فهي سيارة سبورت ونفس الوقت سيارة ركاب حتى لو كانت شوي ظيقه للراكب في الخلف بس تراها تسد الحايه .. لانه حاليا كسياره سبورت عندي زد 350 وبسها كديتها 3 سنوات وابغي اغير ... بس اليوم وانا طالع من الدوام كان واحد مبركن عدالي وعنده C63 لونه برونزي غامج والله طرررر بس الاحلى يوم ركب فيه راعيه ودقه سلف :rofl: واااااا ويلاه واقولها من القلب انه واحد من احلى السيايير اللي تعجبني دقة السلف فيه وصوته طررررررر يوم يتمشا به او يدعسه .... وانا واحد اركززز وايد على هالشي واعتبره واحد من الاشياء الظروريه اللي احبها في السيايير السبورت ....

فيا طويلين الاعمار ممكن تفيدوني لاني ناوي على واحد والاغلب مستعمل لاني اباه حق تمشيات وطلعات خفيفة ..

ف ابا اعرف ..

شو الاعطال الشايعة ان وجدت ؟

كم تكلف تجييكاته بشكل عام والميجر سيرفس في الوكاله او خارج الوكاله لاني سمعت انه في كراجات مختصة وكل كم كيلو التجييكه ؟؟

هل بيتغير شكله قريب ولا بعده مبطي ؟؟

هل ينفع حق الاستخدام اليومي .. يعني دوام ومشاويير بسيطه .. وكيف استعماله اذا بظربه خط ؟؟

هل في فرق بين موديلات 2008 و 2009 و 2010 ؟؟؟

في حال اني لقيت واحد شو الاشياء اللي يفضل اني انتبه لها غير الصبغ او الدعمات لاقدر الله يعني من ناحية الاشياء الميكانيكيه والالكترونيه ؟؟

الفرق بين الامريكي والخليجي وايهما افضل واذا عزمت شو الافضل ؟؟

واخرا وليس اخيرا .. الاسعار لكل موديل من الموديلات السابقة ولو بشكل تقريبي ان امكن للخليجي او الوارد ... وشو احسن موديل ؟؟

واخيرا السموووحه عالاطاله ولو ان الطلبات زايده شوي بس (ماخاب من استشار) فقلت استفيد خاصة بوجود اهل خبره في هذا المجال ووجود اخوان واعضاء فيهم الخير وانشالله نستفيد من الجميع ونشوف ارائهم وانشالله
انا باذن الله ناوي انشالله خلال هالاسبوع ان لقيت سياره تستاهل اخلص والفلوس الحمدلله كاش بس يعتمد على السياره من ناحية الموديل و النظافة والاهم (السعر) :064:

فياليت من كل المارين المشاركه بابداء رايهم بالسياره والمشاركه ان امكن او حتى الرفع ويزاكم الله كل خير مقدما

ومره ثانيه كل عام وانتوا بخير والسموحة على الاطاله لاني لو ماكنت معزم مابكتب هذا كله وبظيع وقتكم ووقتي :rofl: هههههه

الموضوع الأصلي: رايكم بال c63 || الكاتب: التاجر الاماراتى || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

vhd;l fhg c63