تغيير سير الكاتينة (Audi A4 1.6 Auto 1998)

تغيير سير الكاتينة (Audi A4 1.6 Auto 1998)

السلام عليكم..
من كام يوم كنت لقيت المية بتاعت العربية ناقصة شوية روحت للمهندس اللي باتعامل معاه نشوف ايه الحكاية.. بالصدفة اكتشفنا ان الطلمبة بتاعت المية بتطلع صوت وحش جدا.. قررنا نغيرها في اقرب فرصة.. و بما ان العربية دي موتورها بالطول... فك الطلمبة ده شغلانة.. و عليه.. فقررنا برضه نغير بلية الاتينة و السير بالمرة.. مع انهم كان لسة فيهم عمر.. حوالي 20-25 الف كم..

المهم.. اشتريت سير كاتينة فولكس اصلي و بلية كاتينة فولكس اصلي و طلمبة مية فولكس اصلي.. و جوان غطا تاكيهات.. و كانت الفاتورة بتقول 1415 جنيه.. و انا فاكر ان تمن الطلمبة لوحدها 750 جنيه.. و جوان غطا التاكيهات 135.. الحاجات اشتريتها من الهاشمية بتوع سكودا اللي في العباسية..

المهم الشغلانة الكبيرة جدا بقي هي الفك..
فكينا الفوانيس.. و الاكصدام.. خالص..
و بعدين فكينا صدر العربية.. بس مش للأخر.. عشان الردياتير و سربنتينة التكييف..
الردياتير فيه مواسير فيبر كده رايحة ليه عشان تبريد زيت الفتيس.. بسببها مكانش ينفع يتفك الصدر تماما.. و الحاجة الجميلة في سربنتينة التكييف.. ان الداخل ليها خراطيب مش مواسير.. عشان موضوع الفك ده..
المهم..
الموضوع اخد حوالي ساعة فك.. و ساعة تركيب.. و ساعة تظبيط بقي مية و ظبط الانوار و شوية حاجات رفايع كده.. و اخد حوالي ساعة كمان فك و تركيب..

ملاحظات..
طلمبة المية اللي كانت راكبة كانت خلاص لحمت في البلوك تقريبا.. و طلعت من غير ريش.. كلها كانت اتفتت و اتكسرت تماما و احنا بنفك.. و طلعت مكسرة اصلا..
و اتضح ان المالك اللي قبلي او الملاك.. حسبي الله و نعم الوكيل.. الطلمبة دي الفبريكة بتاعتا لعربية.. يعني بقالها 12 سنة.. بس احمد لله كانت ماشية عادي ولا بتسخن ولا حاجة بس صوتها كان وحش..

الحمد لله.. الموضوع تم علي خير..

الموضوع الأصلي: تغيير سير الكاتينة (Audi A4 1.6 Auto 1998) || الكاتب: عين شمس || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

jyddv sdv hg;hjdkm (Audi A4 1>6 Auto 1998)