أول صيانة بعد شراء السيارة (Audi A4 1.6 auto 1998)

أول صيانة بعد شراء السيارة (Audi A4 1.6 auto 1998)

السلام عليكم..

اخر التطورات..
امبارح بالليل قضيت السهرة مع المهندس باعمل شوية حاجات كده حبيت اقولكم عليها.. عشان اللي مهتم يعرف.. شوية تفاصيل و اسعار..

غيرت زيت موتور شيل هيلكس الترا اللي هو بيقولوا عليه بيقعد 10 الاف كم.. 5 كجم.. و ده تمنه 293 جنيه بالتمام و الكمال..
و فلتر زيت مايلي الماني وهو نفسه بتاع السكودا اوكتافيا A4 برضه.. (تشابه اسماء بقي..) وتمنه 30 جنيه..

غيار الزيت بالفلتر بياخد 5 كجم بالظبط.. و من غير فلتر حوالي 4.5

جيبت علبة زيت فتيس الابيض.. وهو نفسه زيت الباور بتاعها..نوعه فيبي العلبة الكيلو الواحد تمنها 125 جنيه الماني.. عشان زيت الباور كان ناقص شوية..

جيبت علبتين Flush عشان انضف بيه دورة المية..( محدش يضحك ولا يتريق..) انا كنت عايز استعمل ديتول.. بس مرضيش..
مش فاكر نوعها ايه بس هي 345 ملل امريكي و سعرها 8 جنيه الواحدة و هي سائل لونه اخضر كده مركز بيحط الاول و يتحط عليه المية و تسيبه في العربية دايرة 10-15 دقيقة.. و بعدين تفضيه.. و تديها مية نضيفة بعديه..لحد ما ينزل خالص.. و تبقي المية اللي نازلة بيضا نضيفة..


و جيبت جالون مية حمرا من موبيل عشان دورة التبريد.. اتحطت بعد تنضيف الدورة كاملة..

و فكيت قربة المية و نضفتها.. و ركبتها تاني..

بس.. النتيجة.. كان في لمبة تحذير في التابلوه بتنور كده ليها علاقة بالحرارة.. و بطلت تنور و واضح انها كان ليها علاقة بالحساس اللي في القربة بتاعت المية..
و الباور صوته هدي خالص.. بس في تسريب للزيت بيحصل و محتاج يوم كامل عشان نفط علبة الدركسيون و نشوف التسريب مصدره ايه بالظبط..

الموضوع الأصلي: أول صيانة بعد شراء السيارة (Audi A4 1.6 auto 1998) || الكاتب: عين شمس || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

H,g wdhkm fu] avhx hgsdhvm (Audi A4 1>6 auto 1998)