فزعتكم يأهل الخبره مشكله في قير الباتول 2011

فزعتكم يأهل الخبره مشكله في قير الباتول 2011

السلام عليكم ورحمة الله وبركاته

أخواني رواد المنتدى

عندي مشكله في قير الباترول 2011 City option

قبل كل شي الباترول له معي تقريبا اربع شهور وطلعت اربع سفرات بعيده اقلهم 1000كلم

في البدايه ماواجهت اي مشاكل والموتر معي من احلى مايكون وماتسمع صوت للقير
واخر سفره كانت من الجبيل الى مكه المكرمه(الله يحفظها) تقريبا 1400 كلم
والموتر كان ماشي 16000الف

وطبعا الشباب ينصحوني اول ماشتريت السياره اني اسرع عليها فوق 180 عشان اجربها وانا ماني معطيهم وجه

وعاد وانا راجع من مكه قلت اجرب اسرع عليه ومشيت تقريبا 200 حولي ساعتين

بعد ماوصلت الجبيل بدت المشاكل صار تسمع صوت القير عند كل تبديله والمصيبه اذا هديت عند مطب ولا لفه ونزلت السرعه اقل من عشرين ودعست دعسه عاديه تبغى تمشي السياره تحن وضغط الها ويرتفع ال 2ونص تقريا 5 ال7 ثواني يبا القير يلقم تحسه كان بالفاضي

طبعا انا ماسكت رحت للوكاله وقعدت السياره عندهم 12 يوم في الاخير قالوا مافيها شي حسب الكمبيوتر ولا المهندسين 2 طلعوا معي وقالوا انه فيها مشكله

اخر شي بعد مامليت من كثر الروحه والجيه وطبعا الوكاله الفاشله ماشيكوا على زيت القير الى الان اتفقت مع المدير انهم يشيكون على الزيت وللأسف طلع ناقص من الوكله لان السياره مافيها اي تهريب وعلى كلامهم انه محترق بعد

طبعا غيرولي الزيت على حسابهم وبعدها السياره تحسن صوتها يومين او ثلاثه ورجعت حليمه لعادتها القديمه

طبعا مدير الورشه مانقدر نسويلك شي الان لين يخرب مره بعدين يتغير على الضمان
مشكلتي اخاف يضر المكينه او مايخرب لين ينتهي الضمان

تكفون الي عنده اي معلومه يفيدني واسف على الاطاله

الموضوع الأصلي: فزعتكم يأهل الخبره مشكله في قير الباتول 2011 || الكاتب: نيسان 1 || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

t.uj;l dHig hgofvi la;gi td rdv hgfhj,g 2011