لقد قرانا قبل ايام عن ملحمة الرويضة وهي دارت بين مخلوق متحول"ذكي" وبين بني البشر
ادى الى تكاتف بني البشر من مواطنين وهنود سواقين الترلات ورجال الامن
لذالك بعد دراسة الموضوع دراسة مستفيضة وجدت الاتي
ان هاذا المتحول المسمى باللاندالجامح فيه مشاكل مصنعية متعمده تسبب الاتي
سرعة قصوي+ ماتقدر تتحكم في الفرامل+ ماتقدر تتحكم في القير+ ماتقدر تطفي السياره
يقال ان الابواب تتقفل عليك ماتقدر تنزل من السيارة
والقزاز ماتقدر تكسرة لان قزاز الاندالجامح اصلي مره
لقد بديت افكر تفكير جدي بل اني كلمت احد مسؤولي وكالة ناسا وقلت له انتم اخرجتو برنامج مكوك الفضاء من الخدمة لذالك ابي المظله حقته اللي يفكها اذا نزل على الارض عشان اذا صار شي او شيات افك المظله عشان توقف اللاند الجامح
وخاطبت سلاح الجو الامريكي عشان اغير مقاعد الاند بمقاعد الطايرات المقاتله عشان اذاجا شيآ او لاش اقذف جميع الركاب من الاند الجامح
المهم الامريكان وعدوني خير يقولون حنا دوبنا مغيرين وزير الدفاع ولاكن اذا ستقرت الاوضاع ابشر بعزك والى هاك الوقت انصحوني ان لا اشغل الاند.. ايه وقبل لاانسى يقولون افصل اصباع البطارية "يمتكن" يشتغل وانت راقد وبعد وصوني اني افصل لي البنزين لان الاند خبيث فيه كهربا ساكنه في بديه يامال الغسيل يمكن يستغلها لتشغيل نفسه لكي يبدأ في قتل بني البشر لانه لاند متحول لا يمت للاند السابق 2007 باي صله واكبر دليل انه اول لاند يصممه شخص من خارج اليابان لذالك اخواني خذو الحذر الى ان تصلنا العتاد اللازمه من الامريكان لكي نسيطر على هاذا الشرير البغيض اللي مدري ليه الناس يحبونه ويتمنونه
07-17-2011, 01:07 AM
المواضيع المتشابهه
العرض الشجري
