موتري ( جي إكس 2006 ) مافيه مشاكل أبد إلا مشكلتين مالقيت لهن حل ...
1- سيارتي للأسف بدون ريموت لفتح الأبواب مع أنها أوتوماتك ... أبي أعرف كيف أركب لها ريموت مثل الأصلي اللي يجي مع المفتاح ، وأيضا وين مكان جهاز التحكم بالريموت الأصلي في السيارة ، وهل يمكن عمل مفتاح يحتوي على ريموت خاص بالسيارة مثل الأصلي .
2- أعاني من مشكلة في القير ( قير أوتوماتك ) طبعا الدبل شابك إلى 80 كم ، الموضوع هو أن القير أثناء التعشيق للأمام يطلّع صوت طقّة قوية كأنه فيه فظاوة ، والطقّة تصير أخف مع التعشيق إلى الخلف .... كذلك السيارة أثناء السير يطلع صوت طقة في انتقال القير من سرعة إلى أخرى ، وأحيانا يطلع الصوت مع البريك .
وعجزت الورش تطيح على سبب هذي الطقة فمنهم من يقول : من العكس ، ومنهم من يقول : من القير ، ومنهم من يقول من التروس ، وآخر يقول من العمود ، وغيره يقول من كراسي القير ... والأخير يقول ما فيها شي وهذا الصوت طبيعي في هذا الموديل لأن الدبل شابك على طول ....... وأنا بين هذا وذاك محتار ومابي أحورف في الموتر وأتفلسف فيه أو أرهم فيه حاجة أو أحط فلوس في غير محلها .
أتمنى من كل من مرت به مثل هذي المشاكل ولقا حل الها يسعفنا به بالتفصيل إن أمكن .. أكون له من الشاكرين .. الله يوفقكم ويرفع مقداركم آمين يارب العالمين .
08-28-2011, 05:40 AM
العرض الشجري
