تعالوا شوفوا ولاستغلال كيف من وكالة عبداللطيف

تعالوا شوفوا ولاستغلال كيف من وكالة عبداللطيف

رحت للوكاله ابي اعربن على جكسار وقالوا لي يبيله 25 يوم وطبعا ردد يا ليل مطولك هههههه
قلت موافق يوم جيت بدفع العربون قالوا لا نبي المبلغ كامل والا مانحجز لك ؟؟!!

قلت انا ماخذين منكم لكزس جيب dd كت ودافعين بس 10 الالف وجبتوه لنا قالوا اللكزس اداره ثانيه مالنا دخل فيهم
قلت والحل قالوا كامل المبلغ تدفعه نحجز لك والوعد 25 يوم قلت طيب اكيد 25 يوم قال نقول انشاء الله ما ارتحت لكلامه وحسيت اني بردد


المشكله المعارض يلعبون بالاسعار ويسرقون الاغراض الي تجي مع السياره والا كان رحت لهم وخلصنا هذا اذا اعتبرنا ان الموتر موجود اصلا ؟؟

الاسعار بالوكاله لليوم كالتالي

gxr فل كامل ستيني 205700 مع التضليل كولولايت
فكســار نص فل مخمل 260000 مع التضليل كولولايت
فكـســار فل كامل جلد 270000 مع التضليل كولولايت


وش تنصحوني فيه ؟
ابيع موتري واكمل لهم المبلغ كاش واقعد على الاجار لين يجي الموتر وانا متأكد بيتأخرون عن 25 يوم
لان مدير المبيعات حق تويوتا طبعا اقصد المدير العام حق الفرع قال لي 10 ايام لين يجي دورك و15 يوم لي يوصل موترك للمستودع
والا اشري من المعارض في حالة اني لقيت طلبي بس المشكله اسعارهم متفاوتله ونصابين ويسرقون الاغراض الي تجي بالسياره وانا لي تجارب سيئه مع المعارض تخيلوا اشتريت موتر من احد المعارض والمشكله راعي المعرض زميل سابق اعرفه عز المعرفه وعلاقتي فيه فوق 10 سنين وللأسف غشني باعني موتر بسعر ارخص لانه مباع بطريق التأجير المنتهي بالتمليك ومامشى الا 3 كيلوا وفهموني ان السياره جديده واثاري راعيها السابق للحين ماسسدهم يعني طلعه من حوشهم ورجعه وباعه على الوكاله بسعر اقل لانه محتاج فلوس ولا يقدر ياخ قرض وطاح الموتر لاني ما عرف هالشي الا لما ووقفوا الموتر يوم دخلته الصيانه علموني كل السالفه وطاح الموتر بحلقي بقولكم كيف كلما ادخله الصيانه الدوريه يقولون لي ادفع الاقساط اقولهم اي اقساط انا شاريه كاش قالوا اثبت يوم جبت لهم الاوراق قالوا للحين الموتر عندنا معلق عليه اقساط ومسجلين رقم الشاص واكلم مدير الصيانه واجيب له اوراق تثبت يوم قراها مدير الصيانه طلع يعرف الموتر ويعرف راعي المعرض حسبي الله عليهم ويدري متى انباع وقالي انتي الي شريته وضحك
واستمريت على هالحال سنه كامله جننوني ادخل الموتر الصباح ويقولون اوكي واذا وصل للصيانه جوا وقفوا الشغل واذا جيت استلم الموتر المغرب قالوا موترك معلق لين تدفع 16 الف
الحمد لله الموتر وافتكينا منه بس شوفوا كيف كنت ضحيه لجشع اصحاب المعارض والمشكله يوم كلمت صاحب المعرض وواجهته قال ماعلي انا بعتك الموتر تفاهم مع الوكاله

المشكله والله مطوع ويخاف الله من خلال معرفتي فيه
بس الظاهر قدام الفلوس كل شي يروح
حسبي الله عليه



الزبده وش الراي يا اخوان

الموضوع الأصلي: تعالوا شوفوا ولاستغلال كيف من وكالة عبداللطيف || الكاتب: تويـوتا || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

juhg,h a,t,h ,ghsjyghg ;dt lk ,;hgm uf]hgg'dt