انا سبق وطرحت موضوع في رمضان عن أصوات تحت السيارة والحمد لله ما قصروا الشباب وانحلت المشكلة ، وهي كانت عن المساعدات الأمامية .. طبعا أنا غيرتها بجديدة ورجعت السيارة زي الوكالة ولا فيها صوت ماشاء الله .. لكن !! ذكرت في نفس الموضوع أني بأسافر فيها ،، سافرت من الرياض على طريق الحجاز ولفيت الجنوب كله ،، مشيت السيارة وكرفتها في هذه السفرية يمكن فوق الـ 3500 كلم ،، وكلها بنزين وامش ما شيكت عليها أبدا على الخطوط ولا رجعت الا من الطائف ..
طولت عليكم لكن بس عشان تكونون في الصورة ،، المشكلة كانت وبدأت في مدينة الباحة ،، يوم مريت منها رايح الطايف كان فيها أمطار غزيرة جدا جدا لدرجة انك ما تشوف الطريق ولا تشوف متر قدامك والسيارة بالكامل غرقت في هذه الامطار وانا أمشي ،، ولا جفت السيارة إلا في الطايف ،، وبعدها رجعت أصوات الطقطقة في المساعدات الامامية كالسابق .. لكن بشكل خفيف ومستمر طبعا مع الشوارع الرديئة .. وبس
وسؤالي يا حلوين تتوقعون إن الامطار والموية هذي أثرت على المساعدات مع انها جديدة من الوكالة ما كملت شهر مركبها ؟؟ واحد من الشباب يقول أشحمها لانها أكيد دخلتها الموية ونشفت المساعدات عشان كذا تطلع اصوات ،، وش رايكم بكلامه ؟؟
____
وفيه استفسارين بسيطة ثانية ، في الخط السيارة يطلع صوت الهواء داخلها بشكل خفيف ،، فهل المشكلة من الربلات أو الجلد اللي على البيبان والقزاز ؟؟ وهل اقدر اغيره ؟؟ وأحصلها بالوكالة موجودة ؟؟ولا بس في الغرابي تفصيل ؟؟
والسي دي له يومين صار ما يشتغل لدرجة اني مااقدر ادخل فيه cd أو أطلع اللي فيه ،، وش المشكلة تتوقعون ؟؟
____
كثرت عليكم بالاسئلة .. والله يجزاكم خير والشكر مقدما لكل من يرد
09-07-2011, 02:40 AM
العرض الشجري
