السلام عليكم
شباب انا اليوم باقلك شي سار معايا وبانصح كثير يتجنبوه وهو
يوم 24 رمضان اشتريت الجناح من الحمراني بقيمه 1500 ريال ولي صديق عنده ورشه في الصناعيه قالي تعال ركبو عندنا شغل مظبوط وفلبينيه وكل شي تمام المهم رشو الجناح وجا موعد التركيب رحت اركبو ما لقيت الفلبيني قالو انتظر نص ساعه الي ما يجي قلت مو مشكله جا الفلبيني قال هذا مافي مشكله قلتلو ركب طيب خليني امش وهنا بدات الحكايه
جا الحبيب خرم تقريبا في نص الشنطه وجا ركب الجناح شافو ما ركب جا قلي ترا هذا تركيب خطا انا وجهي وقتها اصفر احمر اخضر اي لون تتخيلوه سار المهم قلتلو والحل قال سوي لحام قلتلو تريلا شايفها تسوي لحام وفي الوقت ذا جا صاحب الورشه المهم شاف الموضوع قالي مالك الا الي يرضيك قال قفل الاخرام بمعجون ورش على قد الخرم قلي بكرا انشاءالله تعال استلمها الي هوا يوم 27 رمضان المهم رحت الورشه اليوم الثاني واطالع الا الشنطه مرشوشه رشت دراجات يعني ابو كلب رحت للفلبيني قلتلو مين قالك ترش الشنطه كامله قالي مافي رش شنطه كامله بس رش فتحه قلتلو طيب جبت خويي قلتلو مرشوشه قالي ايه قلت طيب طيب المهم اجيت اخذ السياره وامسك الا السياره جاي عليها لكر وغبار كامله وخشنه مره قلتلو ايش ذا قال اووه انا في رش سياره تاني لكر يجي على سياره انتا انا قفلت اخلاقي ورحت للمدير قالي اسفين تعال بكره تستلمها المهم رحت ثاني يوم لقيت الشنطه واصدامات نظيفه وراح عنها اللكر واجي الاقي السثف والكبوت والنياكل انعدمت الحيوان رش سياره وطار لكر ثاني المهم المدير جا قالي مالك الا بعد العيد انا والله شوي وابكي على السياره والوالد من البدايهمو راضي على هل الشي لانو هرجه تخريم وكذا المهم الوالد كان في مكه ويبرجع ليله العيد رجع قالي ايش سار معاك قلتلو كل شي اوكيه بس يبغالها تلميع وغير كذا يوم 29 دخلتها التلميع الساطع على اساس انو يروح اللكر ودفعت 250 ريال ولا سار شي المهم عد العيد وجا 4 يوم العيد وديت السياره وقالي يبغالها يومين سبتو وقلت خليها اسبوع اجي استلمها قبل الدراسه قال احسن علشان ناخذ راحتنا قلت اوكيه وسافرت ورجعت الربوع الي قبل الدراسه واجي الا الشنطه معدومه الرشه مسويه زي التنفيخات والجناح بدا يتقشر البوره منو قلتلو وبعدين في الموضوع ذا قلي جيبها السبت واسويلك هيا جبتها السبت وقالي تعال استلمها الربوع احنا نسويلها تلميع مائي وكل شي يسر تمام جيت الربوع والاقي السياره زي ماهيا اقلو ايش ذا يقلي محنا عارفين نسويها جيبها السبت ونوديها العامودي يرشولك هيا فرن مع الجناح اخذتها ورحت اغسلها علشان اداومبها الجامعه الا والاقي لون الصدام الخلفي مطفي وجاي عليه بويه ومعدوووووووووووم رحت السبت واستلم السياره وقالي تعال استلمها الربوع الي هو امس قلت اوكيه مافي مشكله عدت الاسبوع وانا اقول حماس تجمع الخميس ويوم وطني الجمعه يعني حافل وارجع من الجامعه وادق عليه يقلي اححنا جبناها بس تعال بكرا استلمها الساعه 11 الصباح قلت طيب المهم اليوم اصحى الا ادق عليه اقلو ها اوكيه هذا الكلام على الساعه 1 ونص قالي تعال الساعه 3 استلمها قلت طيب شوي الا يدق عليا واحد من الورشه يقلي العامودي حق الفرن الي رشينا عندو السياره قفل والاشياء عندو الي هي الشنطه والجناح والصدام وما يفتح الا يوم الاحد انا قفل في وجهه وجا الوالد يقلي روح خذ جيب دوريه ورحلهم
انا ياشباب ابغا حل والله ما كتبت الشي ذا الا من قهري 99% من اصحاب المكسيما يركبو الجناح وما ابغا احد يسيرلو الي سار معايا والحمدلله على كل حال
09-22-2011, 01:05 PM
العرض الشجري
