|
||||||
التسجيل السريع مُتاح |
|||||
| |
| انشر الموضوع |
|
|
|
|
أدوات الموضوع | انواع عرض الموضوع |
10-29-2010, 07:05 PM
|
المشاركة رقم: 1 | ||||||||||||||||
|
المنتدى :
تـويوتـــا
السلام عليكم ورحمة الله وبركاته ... كيفكم شباب إن شاء الله بخير ..... سبق أن كتبت هنا موضوعا عن ضعف الجلنط وأخبرني الأعضاء الأعزاء هنا بأنه يحتاج إلى شد فقط وعندما وصلت السيارة إلى الـ 1000 كيلو ذهبت بها للوكالة وشيكوا عليها ( طبعا ماسووا شي ماشفت إلا مادة بيضاء على مفصلات الأبواب ) كل هذا لايهم المصيبة عندما أخرج السائق السوداني السيارة من الصيانة ونزل منها أطالع أبو الشباب بيده مفك !!! قلت شدوا الجلنط ؟؟؟ قال آآآآآي شديتوا !!!!!!!!! يعني بالعربي السائق اللي يدخل السيارات للصيانه ويطلعها يشغلونه بالصيانه معهم !!!! المهم الجلنط كان شديد كم يوم وبعدين رجع زي أول وأردى بعد !!! صار زياده على ماهو ضعيف بعد ماتمسكه تتحرك السيارة ويطلع أصوات بعد !!! دقيت عليهم قالوا هات السيارة قلت خلها لتشييك الــ 5000 كيلو مره وحده !!! وقبل ماتوصل السيارة 5000 كيلو صار عندي خلل بالستارة الخلفية !!! أعمدة الستارة تطلع وتنزل لكن الستارة نفسها تقعد برا يعني ماتلف على الداخل !!!! المهم دقيت عليهم وأخذت موعد تشييك 5000 وجلنط وستارة !! لما جاء الموعد وكان الساعة وحده ونصف الظهر قابلت الموظف وقالي بنشيك على السياره وبنغير الزيت والسيفون وسجل مبلغ وقدره 200 ريال !!!!!!!! طبعا أنا تفاجأت بهذه الرسوم كنت متوقع إنه حتى الزيت والفلتر مجاني لأني دائما أسمع وأرى وأتكلم أيضا بالصيانه المجانيه والصيانه المجانيه وآخرتها ادفع فلوس !!! المشكلة إني مفرغ نفسي وآخذ موعد قبل بأسبوع آخرتها كذا !! لو إني داري كان رحت للبنشر اللي عند بيتنا ومغير عنده بربع ساعه وأنا خالص خصوصا إنه يشفط الزيت وهذا عندي أفضل من فك الصره !! لكن خليت السيارة علشان الجلنط والستارة ! لكن ماأنلام أول مره أطلع موتر وكالة !! المهم قلت أوكيه والجلنط والستارة ؟ قال الجلنط سهل لكن الستارة لازم المهندس يشوفها والمهندس مايجي إلا الساعة 2 ! شوي ويجي واحد سوداني قالي الموظف رح كلمه هذا المهندس !! قلت عندي الجلنط شديتوه قبل ورجع زي ٍأول ويطلع صوت بعد !! قال خلاص نشدوووه ثاني !! قلت ماينفع بيرجع زي أول شوف حل ثاني ! قال مافيه إلا ذا الحل ! قلت طيب الستارة ! قال لازم تخلي السيارة على الأقل 3 أيام يشوفها المهندس !! ولو طلعت الستارة تحتاج لتغيير ماراح نقدر نغيرها لك لأن الكتالوج لسى ماوصل ولا هي موجوده بقطع الغيار !! قلت خلاص أنتم شيكوا على الـ 5000 وبعدين آخذ موعد للستارة ! دخلت السيارة للصيانة بعد الساعة 2 وقالوا تعال بعد الصلاة ! جيت بعد الصلاة والسيارة ماخلصت وأروح أجلس على كرسي المساج وقدامي الزجاج الشفاف اللي يكشفلي الورشة وبالصدفه كان عن يميني على الرافعة اثنين أعتقد إنهم سعوديين وعن يساري اثنين فلبينين على رافعة أخرى فدعوت الله أن تكون سيارتي على اليسار لأني لاحظت الاثنين اللي على اليمين يتخبطون في شغلهم !! وفعلا صار اللي خفت منه وجت سيارتي عند اللي على اليمين !! أول ملاحظه لاحظتها عندما أرادوا تركيب السيفون أعادوه أكثر من مره تصدقون مو عارفين يركبون الربله على السيفون وبعد محاولات ومشاورات بين الاثنين تم تركيب السيفون بحمد الله ! الملاحظه الثانيه جاء الدور على الزيت وكنت أنتظر علب الزيت تجي وتفاجئت إن الزيت موجود في خرطوم ينزلونه من فوق ويعبي زيت !! المشكله ليست هنا ولكن المصيبه أن هذا الخرطوم غير موزون على كمية الزيت اللي تحتاجها السيارة يعني ابو الشباب يعبي شوي وبعدين يعاير ! وبعدها يزيد الزيت وبعدها يعاير وعلى ذا الحال يعني كأنه يعبي بنزين !!!! طبعا أنا خفت يكون الزيت ناقص ولا زائد وعايرتها بعد ماطلعت ومافهمت للعيار هو مجرد نقطتين فوق بعض ولا أدري هل المفروض الزيت يكون فوق النقطه أو مساوي لها ولا كيف !!! نرجع لما توقفنا عليه بعد ماسكروا الكبوت جاء واحد منهم ومعه مفك وقعد كل واحد منهم يشد الجلنط شوي !! طلعت السيارة الساعه خمس وربع !!! والجلنط قوي زي شغل السوداني قبل لكن بعد كم يوم رجع ارتخى وإذا مسكت عليه وانا بطلعه تتحرك السيارة ويطلع صوت يعني ماغزينا سيم سيم أول !!! الأهم عندي الحين الستارة قلت لازم آخذ موعد علشانها ولاحظوا ماعندي إلا يوم الاربعاء اللي أقدر أروح فيه للوكاله لأني أطلع من الدوام بدري أضف إلى ذلك أني أسافر في نفس اليوم !! طبعا إذا أخذت موعد بيقولون لك سيتم استقبالك برقم اللوحه والواقع يقول غير ذلك فسواء أخذت موعد ولا ماأخذت سيتم استقبالك في كلا الحالتين !! رحت لهم واستقبلني المهندس السوداني وقلتله أنا آخذ موعد علشان الستاره والجلنط !! قال لازم تخليها 3 أيام !!! قلت ليش ؟؟ قال علشان يشوفها المهندس وعندنا زحمه ولاراح يشوفها اليوم !! قلت وش فايدة الموعد المسبق المفروض المهندس عنده خبر عن السيارات اللي آخذه موعد وعن مشاكلها حتى ياخذها بالدور زي مواعيد الدكتور !!!! قال ماعندنا بالمواعيد نمشي بالسرى من سبق لبق !!! قلت طيب تعطوني سيارة بديله خلال الثلاث أيام ؟؟ قال لا ماعندنا الشي هذا !! قلت طيب خله يشوفها الحين ويقول وش فيها بعدين أقرر أتركها ولا لا ! قال حتى لو شافها لازم يرفع تقرير عنها لجده وهناك بيقررون هل هي عطل فني ولا شي ثاني !! قلت قصدك يمكن أنا اللي مخربها !!! قال حسب التقرير !! قلت تستهبل أنت يعني بتخليها عندك 3 أيام وبالأخير يمكن تقول أنت المخطئ !! عصبت ورحت لمهندس ثاني وقلتله السالفه قال عندك رقم 800 دق على قسم الشكاوي واخبرهم بشكواك !! طبعا أخذت السيارة ودقيت على الشكاوي ورحب الموظف وهلا بي وقال ابشر مالك إلا اللي يرضيك وراح ندق عليك !! الآن أنا غاسل يدي منهم فياليت تدلوني على كهربائي حريف يشتغل بالأفالون بروح له يصلحها والشكوى لله !! أعتذر عن الإطاله ولكن من حر ماأوجس !! تحياتي للجميع الموضوع الأصلي: الصيانة المجانية ... والجلنط ... والآن الستاره !!!! || الكاتب: تويـوتا || المصدر: عرب موتورز
hgwdhkm hgl[hkdm >>> ,hg[gk' ,hgNk hgsjhvi !!!! |
||||||||||||||||
|
|
||||||||||||||||
| وصلات دعم الموقع |
| وصلات دعم الموقع |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| فشلتني الستاره | تويـوتا | تـويوتـــا | 0 | 08-18-2011 03:50 AM |
| استفسار عن الصيانة المجانية | هوندا | هـــــــوندا | 0 | 04-07-2011 11:22 PM |
| متى موعد الصيانة المجانية لهوندا في جدة؟؟؟ | هوندا | هـــــــوندا | 0 | 03-30-2011 01:11 PM |
| حصري فك مكان القير والجلنط للتنظيف | تويـوتا | تـويوتـــا | 0 | 12-15-2010 07:55 PM |
| حصري فك مكان القير والجلنط للتنظيف | تويـوتا | تـويوتـــا | 0 | 12-13-2010 02:21 PM |
العرض الشجري
