تعالو نشكر عبداللطيف جميل تايوتا على خدماته الرائعه والفريده

تعالو نشكر عبداللطيف جميل تايوتا على خدماته الرائعه والفريده

سلام عليكم ورحمة الله وبركاته

حاس اني اكلت مقلب قوي

قبل ما اشتري كامري موديل 2010

كنت جالس شهرين بدون سياره

ادور السياره اللي تناسبني من كل ناحيه

من قطع الغيار و الصيانه وسرعة الصيانه وكل شي

وبدت اسئل اهلي واقاربي و اخوياي ما خليت سؤال ما سئلته طفشتهم

وكل يوم ادخل النت واسوي مقارنه بينها وبين سياره ثانيه ( يفضل عدم الذكر لتجنب التعصب )

الى دخلت راسي

رحت المعرض واشتريت كامري 2010 اسود

لما جيت استلمها من الموظف قلي اذا وصلت 1000 كيلو متر جيبها الشركه عشان يشيكون عليها

واستلمت السياره

والحمدلله وصلتها الى 1000 كيلو متر رحت الشركه ودخلت السياره الورشه وانا كنت وقتها مع الموظف في مكتبه

يا جماعه احلفكم بأيات ربي ان السياره من اول ما دخلت الورشه موظف وقفها على الرافعه حتى ما رفعها وفتح كبوتها وراح

وانا كنت اطالع قلت يمكن يجيب شي وانتظر وانتظر وسيارتي محد قرب منها جاني موظف الاستقبال قلي سيارتك جاهزه تقدر تستلمها وجيبها على 5000 كيلو متر

قلتله ايش يدريك انها خلصت او احد شيك عليها ( اعطاني ضحكه حلوه قلي احنا نشتغل بأمان ولاتخاف)

قلتله اللي استلم سيارتي فتح الكبوت وراح وانا كنت شايفه بعيني وانت بكلامك هذا محسسني ان مكتبك داخل الورشه لو تنحرق ما تدري ايش يصير فيها طولت الكلام معاه ولا وصلت لنتيجه

المهم استلمت السياره وجيتهم في 5000 كيلو متر جيت بدفع الحساب قلي 138 ريال قلتله كثيره هو غيار زيت وفلتر

من هنا وهنا الى خلاها لي 120 ريال قلتله بجيبها على 10000 و 15000 كم تحسبها لي

قلي 10000 498 ريال و 15000 210 ريال استلم سيارتي قلتله الله لا يحوجني لكم ومشيت

والحمدلله كلمت السياره الى 13000 كيلو متر

هنا المشكله

وقفت في بقاله طفيت ونزلت جيت بشغلها ما تشتغل حاولت اكثر من مرا في الاخير عرفت البطاريه انتهت سويت اشتراك

ورحت الشركة سويت ازعاج ما بعده وغيرولي بوحده جديده وبعد اسبوع ريموت السياره ما يشتغل غيرت البطاريه واشتغلت

السؤال هنا ليش سياره جديده 2010 يصير كذا فيها انا صرت اشك بكرا تصلب علي المحرك

الحمدلله الله السياره ما اشتكي منها مكيف بارد هدوء انسيابيه يعني مرتاح فيها واشوفها في عيني انها احلى سياره

اسمحولي على الاطاله والله ارتحت بعد قلت الكلام هذا

الموضوع الأصلي: تعالو نشكر عبداللطيف جميل تايوتا على خدماته الرائعه والفريده || الكاتب: تويـوتا || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

juhg, ka;v uf]hgg'dt [ldg jhd,jh ugn o]lhji hgvhzui ,hgtvd]i