عندي فتك 2002 سوبر سفاري و اعاني من مشاكل التالية :
1- بابين الدبة فيه حساس اذا انفتح باب الدبة تطلع علامة البيبان في الطبلوم الحمرة تعرفونها اكيد .. انا هاي الي اعاني منها .. ولازم ادز الباب على داخل شوي و تروح .. و اذا مشيت و اهتز الموتر شوي ردت العلامة .. و قالوا لي سوي ميزانية للبيبان شو رايكم ؟
2- في السكان اذا خليته سيدة الموتر ياخذ يمين مش شوي ولا وايد يعني لازم الف السكان صوب اليسار ربع لفة .. قلت يمكن رودات او شي من هالقبيل .. ويوم سرت قالي روداتك سليمة .. روح عند كهربائي و خله يبطلك السكان و يرد يركبه سيدة .. و فعلا سرت .. ولكن قالي انا ماقدر اسويلك شي لان في نظام air back و اذا سويته راح تطلع لك العلامة و ما بتخوز .. قالي روح الوكالة احسن.
انصحوني بارك الله فيكم .؟
3- اول ما اشغل الموتر الريس ينزل لين خطين و مرات خط واحد تحس انه خلاص الموتر بيبند بس عقب روحه فجأة يرد يترف عادي و يكون طبيعي .. و اذا عطيته ريس في الحالتين انا واقف و الجير فاضي فيه تقطيعة عقب يرتفع الريسة
و اذا ما شي و الـrpm كان تحت الواحد و دست على الريس بعد يقطع مرة مرتين ورى بعض و يرد ينش عادي .. شو المشكلة اخواني ..؟
01-04-2011, 09:40 AM
المواضيع المتشابهه
العرض الشجري
